фирансийәниң көчмәнләрни қобул қилмайдиғанлиқи илгири сүрүлди

түркийә авази радийоси хәвири: көчмәнләр мәсилисидә италийә билән ихтилапқа чүшүп қалған фирансийәниң буниңдин кейин ақ деңизда қутқузувелинған көчмәнләрни қобул қилмайдиғанлиқи илгири сүрүлди.

италийәдики рәсмий хәвәр агентлиқи-анса, ички ишлар минситирлиқиниң мәлуматиға асасән бәргән хәвиридә, фирансийәниң ақ деңизда қутқузелинған көчмәнләрни қобул қилмайдиғанлиқини илгири сүрди. анса агентлиқиниң«рим вә париж оттурисида сүркилиш келип чиқти»сәрләвһилик хәвиридә мунулар илгири сүрүлди: «фирансийә буниңдин кейин аммиви тәшкилатлар тәрипидин ақ деңизда қутқузувелинған көчмәнләрни қобул қилмаслиқни қарар қилди.»

фирансийә даирилириниң «деңизға қараш»намлиқ аммиви тәшкилат башчилиқида ақ деңизда қутқузувелинған көчмәнләр тоғрисида бәргән қарариниң, италийә ички ишлар минситирлиқиға йәткүзүлгәнлики билдүрүлгән хәвәрдә йәнә мунуларға орун аҗритилди: «фирансийә қарарини өзгәртти, фирансийәниң көчмәнләрни қобул қилғуси йоқ, фирансийә иқтисадий сәвәбләр түпәйли кәлгәнләрни әмәс қоғдилишқа еһтийаҗи бар көчмәнләрнила қобул қилиду.»

хәвәрдә йәнә,  фирансийәниң африқалиқ көчмәнләрни қайтуруветиш мәсилисидә италийәгә йардәм қилишни қарар қилғанлиқиму  әскәртилип мундақ дейилди: «ички ишлар министирлиқи нөәттә парижниң йахши нийитини намайән қилишини вә италийә земинлиридики онларчә сенеганлиқ көчмәнни қайтуруветиш мәсилисидә һәмкарлиқ орнитишни халайду.»

фирансийә һөкүмити«көчмән мәсилиси вә сериқ җилиткиликләрни қоллаш»пиринсипини тәшәббус қилип келиватқан италийәниң муавин баш министирлардин луйги ди майо вә маттео салвининиң фирансийә пирезиденти еммаул макронни әйибләп байанат елан қилиши түпәйли, римдики әлчисини қайтуруп кәткәниди.