нигерийәдә бәзгәк кесили түпәйли җиддий һаләт елан қилинди
нигерийә һөкүмити, һайванлардин инсанларға йуқидиған өлүм билән ахирлишиш еһтимали бар «ласса» исимлик бәзгәк кесили сәвәбидин дөләт миқйасида «җиддий һаләт» елан қилди.
түркийә авази радийоси хәвири: нигерийә кесәлликләрни контрол қилиш мәркизи диктори чикве хеквеазо байанат берип, дөләттә ласса бимарлири сани көпийип кәткәнлики үчүн «җиддий һаләт елан қилғанлиқи»ни вә йуқумлуқ кесәлликкә тақабил туруш хизмәтлириниң давамлишиватқанлиқини әскәртти.
өткән йили нигерийәдики 23 өлкидә 3229 кишидә мәзкур кесәлликниң байқалғанлиқини, буларниң 146 синиң өлүп кәткәнликини билдүргән чикве, «йанвар ейидин буйан 8 өлкидә 60 кишидә бәзгәк кесили байқалди вә кесәллик барғанчә кеңәймәктә» дегәнләрни қәйт қилди.
у, бу бактерийәниң апрел ейиғичә давамлишиш еһтимали барлиқини тәкитләп, хәлқни тазилиққа диққәт қилиш, чашқан вә чишлиқ һайванларға йеқинлашмаслиқни тәвсийә қилди.
чашқан майиқи арқилиқ йуқидиған бәзгәк кесили, инсандин инсанғиму өтидиған болуп, әҗәллик ақивәтләрни елип келиду.
