шималий корейәликләр җәнубий корейәдин панаһлиқ тилиди

түркийә авази радийоси хәвири: җәнубий корейә бирләшмә министирлиқи бу йил йанвардин нойабирғичә болған арилиқта миңдин артуқ шималий корейәликниң җәнубий корейәдин панаһлиқ тилигәнликини билдүрди.

«‹йонхап› хәвәр агентлиқи» ниң җәнубий корейә бирләшмә министирлиқиниң  мәлуматлирини мәнбә көрситип хәвәр қилишичә, бу йилниң йанвар ейидин нойабир ейиғичә болған арилиқта  шималий корейәлик 1042 киши җәнубий корейәдин панаһлиқ тилигән болуп, бу, алдинқи йилниң охшаш мәзгилдики сәвийәдә билән охшаш икән.

хәвәрдә дейилишичә, бултур шималий корейәдин 1045 киши җәнубий корейәдин панаһлиқ тилигән,  нойабир ейи етибари билән җәнубий корейәдә йашаватқан шималий корейәлик панаһлиқ тилигүчиләрниң сани 32 миң 381 гә йәткән болуп, шималий корейә рәһбири ким җоңун вәзипигә олтурған 2012 – йилдин буйан һәр йили тәхминән 1000 – 1500 шималий корейәлик җәнубий корейәдин панаһлиқ тиләйдикән.