суданда 24 миңдин адәмниң өй - маканидин айрилип қалғанлиқи билдүрүлди
суданниң җәнубида һөкүмәт күчлири билән исйанчилар арисида йүз бәргән тоқунушлар түпәйли 2018 - йили өй – маканлирини тәрк қилғанлар сани 24 миңға йәтти.
түркийә авази радийоси хәвири: бирләшкән дөләтләр тәшкилати (б д т) ниң судандики инсаний йардәм кординатсийә ишханисиниң доклатида, бу санниң 2017 – йили 10 миң, 2016 – йили болса, 152 миң икәнлики әскәртилди.
дөләт миқйасида 5 милйон 500 миң әтрапида адәмниң инсаний йардәмгә моһтаҗ икәнлики билдүрүлгән доклатта, буларниң 1 милйон 200 миңиниң мусапирлар икәнлики қәйт қилинди.
дарфур районида 2003 – йилидин буйан һөкүмәт күчлири билән исйанчилар арисида тоқунушлар йүз бәрмәктә. б д т ниң санлиқ мәлуматлириға асасланғанда, тоқунушларда 300 миң әтрапида адәм җенидин айрилған, икки йерим милйон әтрапида адәм өй – маканлиридин айрилип қалған.
җәнубий судан чеграсидики җәнубий кордофан вә мави нил өлкилиридиму 2011 – йилидин буйан һөкүмәт күчлири билән исйанчилар арисида йүз бәргән тоқунушлар 1 милйон 200 әтрапида адәмгә зийан йәткүзди.
судан хәлқ азадлиқ һәрикити – шимал тәшкилати, 2011 – йилидин буйан җәнубий кордофан вә мави нил өлкилириниң мустәқиллиқини қолға кәлтүрүш үчүн күрәш қилмақта.