хитай америка палатасиға сунулған «тибәт қанун тәклипи» гә наразилиқ билдүрди

түркийә авази радийоси хәвири: хитай ташқи ишлар министирлиқи байанатчиси лу каң пайтәхт бейҗиңда чақирған җиддий ахбарат елан қилиш йиғинида, тибәт мәсилисиниң хитайниң ички иши икәнликини билдүрүп, мәзкур тәклипниң хитайниң ички ишлириға арилишивалғанлиқ болидиғанлиқини ейтти. 

лу каң: «қанун тәклипидики хитайға қарши орун берилгән әйибләшләр урунсиздур. хитай һөкүмити вә хәлқи тәрипидин қәтий қобул қилинмайду» деди вә америкини өзара мунасивәтләрниң зийанға учримаслиқи үчүн мәзкур қанун тәклипини қанунлишиштин илгири тосуп қилишқа чақириқ қилди.

лу каң йәнә, 2015 – йилидин буйан америкидин тибәткә йуқири дәриҗилик сийасәтчиләрниму өз ичигә алған тәхминән 40 миңға йеқин кишиниң зийарәткә кәлгәнликини билдүрүп, мәзкур қанун тәклипи үчүн һеч қандақ сәвәб йоқлуқини илгири сүрди.

америкилиқ мәсуллар журналистлар билән сайаһәтчиләрниң һечқандақ чәклимигә учримастин тибәткә беришиға йол қойулиши керәклики тәкитләнгән вә хитай мәсуллириниң америкиға келишини чәкләшни өз ичигә алған «2018 йиллиқ тибәткә өрара берип келиш» қанун тәклипини сунған болуп, бу тәклип 11 - синтәбирдә палата тәрипидин тәстиқланған иди.

әмдиликтә бу тәклипниң рәсмий қанунға айлиниши үчүн америка пирезиденти доналд трампниң имзалишила күтүлмәктә.

америка палата әзаси роберт менендер қанун тәклипи үстидә тохтлип, «хитайлар америкиға кәң көләмдә берип келиш асанлиқидин болушиға пайдилниватиду, бирақ америка пуқралири ундақ охшаш шараитқа игә әмәс» дәп ениқлима бәргән иди.

хитай тебәт аптоном райони үстидә, йүзлигән йиллардин буйан хитайниң игилик һоқуқи барлиқини илгири сүрүп, бу районға қарита башқа дөләт вә чәт әл тәшклатлири йаки шәхсләрниң қилған паблийәтлириниң һәммини ички ишиға арилишивалғанлиқ, дәп баһалап кәлмәктә.