хитайда бир түрк содигәр инсанпәрвәрликниң үлгисини йаратти
хитайда бир түрк содигәр ристуранда қоғлап чиқирилиш алдида турған бир намрат хитай пуқрасиға өзиниң тамиқини бөлүп бериш арқилиқ һәммини һәйран қалдурди.
түркийә авази радийоси хәвири: хитайда елип берилған иҗтимаий синақ җәрйанида, кона кейими сәвәбидин ресторандин қоғлап чиқирилмақчи болған бир йашқа игә чиқип, у йашни өз үстилигә чақирип тамиқини ортақлашқан бир түркийәлик сода – санаәтчиниң бу үлгилик позитисйәси түрк хәлқиниң нәқәдәр меһмандостлуқиниң үлгисигә айланди.
хитайдики иҗтимаий синақ җәрйанида, кочиларда йашайдиған, өйсиз, намратниң қийапитигә киргүзүлгән бир йашниң кона кейими сәвәбидин ресторан хадимлири тәрипидин қоғлап чиқирилишиға қаттиқ наразилиқ билдүргән 47 йашлиқ түрк сода – санаәтчи мурат тәләк иҗтимаий таратқуларда күнтәртипкә айланди.
мәзкур йашниң кона кейими сәвәбидин ресторандин қоғлап чиқирилишиға йол қоймиған мурат тәләк, уни өз үстилигә чақирип тамақини бүлүп бериш арқилиқ анадолу хәлқиниң көйүм – шәпқәт вә йардәмпәрвәрлик туйғусиниң һәммила йәрдә охшаш икәнликини намайан қилип бәрди.
мурат тәләк анадолу агентлиқиға бәргән байанатида, иҗтимаий синақ көрүнүшлириниң 4 йил илгири интернеттә елан қилинғанлиқини, видеониң түркийәдә иҗтимаий таратқуларда елан қилинишидин кейин, нурғунлиған кишиләрдин учурларни тапшуруп алғанлиқини ейтти.
мурат тәләк риесторанда қилған ишиниң һәммәйләнгә йарап кәткәнликини чүшәндүрүп, «хитайда инсанлар чәт әлликләргә анчә йеқинлиқ көрсәтмәйду. чекинип туруп муамилә қилиду. мениң бир чәт әллик туруп, тонимиған бир хитай үчүн шундақ поитсийәдә болғанлиқимни хитайларму йахтуруш кәтти. улар билән учрашқанлиримда маңа <түрк ака>, <түрк таға> дегәндәк гәпләрни ишлитишти вә мәзкур пирограммидин мени тунушқанлиқлирини билдүрүшти» деди.
