америкилиқ раһиб кичик балиларға басқунчилиқ қилғанлиқини етирап қилди

түркийә авази радийоси хәвири: пенсилванийә баш мупәттиши җош шапиронниң ишханисидин елан қилинған байанатта, «ере» баш роһанийлиқ районида, 40 йилдин буйан вәзипә өтәп келиватқан раһип давид пулсонниң бируквилләдики сот тәрипидин униңға қаритилған «кичик балиларни җинсий суйииетмал қилиш» вә «кичик балиларниң кәлгүсини хәвпкә иттириш» җинайәтлирини етирап қилғанлиқи билдүрүлди.

раһип давид пулсонниң бир кичик балиға бир қанчә қетим таҗавуз қилғанлиқи, йәнә бир балиниму җинсий суйиистемал қилғанлиқи илгири сүрүлгән байанатта, вәқә йүз бәргән мәзгилдә бу балиларниң бирси 8 йашта, йәнә бирси 15 йашта икәнлики қәйт қилинди.

раһип давид пулсонниң үстидики 8 хил әйбиләштин аран иккини қобул қилғанлиқи билдүрүлгән болсиму, қанчилик җаза берилидиғанлиқи техи елан қилинмиди. 

пенсилванийәдә кичик балиларға басқунчилиқ қилиш шәрмәндичилики оттуриға чиққан йүзлигән католик раһиплардин бирси раһип давид пулсон болуп, америкиниң пенсилванийә иштати баш мупәттиши җош шарпиро 2 йил давамлашқан тәкшүрүш нәтиҗисидә, алдинқи ай елан қилған байанатида, пенсилванийә вә ватикандики пишқәдәм чиркав рәһбирилириниң чиркавлардики кичик балиларға басқунчилиқ қилиш җинайәтлирини системилиқ һалда йошуруп келиватқанлиқини ейтқан иди. 

тәкшүрүшни баһалиғучи мәсулларму 300 дин артуқ раһипниң 1950 – йилиниң оттурлиридин буйан кичик балиларни җинсий суйиистемал қилип келиватқанлиқи ашкариланған рим католик чиркавиға қарашлиқ йүзлигән раһипни бирдин артуқ кичик балиға басқунчилиқ қилиш билән әйиблигән иди.

баһалиғучилар доклатида, бәзи архипларниң йоқулуп кәткәнликини вә җинисй суйиистемал қурбани болған бәзи балиларниң байанат бериштин қорққанлиқини нәзәрдә тутқанда, басқунчилиққа учриған кичик балилар саниниң техиму көп икәнликини уқтурған иди. 

җинсий суйиистемал қорбани болған кичик балиларниң көпинчисиниң оғул бала икәнлики тәрәпкә аллаһидә диққәтни тартқан әдлийә баһалиғучилири, чиркавларда басқунчилиққа қәдәр созулған һәр түрлүк җинсий таҗавузчилиқларниң йүз бәргәнлики ениқланғанлиқини җакарлиған иди.