сәуди әрәбистанниң истанбулдики баш консолиниң өйи ахтурулидиған болди

түркийә авази радийоси хәвири: җәмал қашиқҗиниң 2 – өктәбир күни сәуди әрәбистанниң истанбулдики консулханисиға кирип кәткәнчә из - дирәксиз йоқулуп кетишигә алақидар қуруп чиқилған хизмәт гурупписиға қарашлиқ нәх мәйданни тәкшүрүш әтрити, түнүгүн кәч саәт 9 да сәуди әрәбистан консулханисида башланған тәкшүрүшлирини тамамлап, әтигәндә консулханидин айрилған иди.

түркийә вә сәуди әрәбистан мәсуллири сәуди әрәбистан әлчиханисидики тәкшүрүшләрдин кейин, бүгүн сәуди әрәбистанниң истанбулдики баш консолиниң өйини ахтуридиған вә инчикә тәкшүридиған болди.

 җумһур рәис рәҗәп таййип әрдоған түркийә бүйүмк милләт мәҗлиси (парламенти) да мухбиларниң мәсилә һәққидики соаллириға җаваб берип, «бизниң мәқситимиз қанаәтлинәрлик бирәр нәтиҗигә еришиш» деди.

әрдоған ахтуруш вә тәкшүрүшләр җәрйанида тихнекилиқ барлиқ имканийәтләрниң ишқа силинғанлиқини тәкитлиди.  

йәнә бир тәрәптин бирләшкән дөләтләр тәшкилати җәмал қашиқҗи вәқәсиниң айдиңлаштурулиши үчүн сәуди әрәбистан баш консули вә консулхана хадимлириниң қанун тәрипидин чиқилмаслиқ һоқуқиниң елип ташлинишини тәләп қилди.

сәуди әрәбистанлиқ ислаһатчиларға нисбәтән муһинм мунбәләрниң бирси һесаблинидиған әл вәтән гезитигә зор төһпә қошқан шундақла америкида чиқидиған вагингитон пошта гезитидиму йазғучилиқ қиливатқан җәмал қашиқҗи 2 – өктәбир сәйшәнбә күни рәсмийәт беҗириш үчүн сәуди әрәбистан консалханисиға кирип кәткәнчә, из – дирәксиз йуқулуп кәткән иди.

җәмал қашиқҗиниң консулханиға киришидин кейин из – дирәксиз йоқулуп кетиши һәққидә түркийә вә сәуди әрәбистанлиқ мәсуллардин тәшкил тапқан ортақ хизмәт гурупписи қурулған вә бу гуруппа түнүгүн чүшкә йеқин истанбул сақчи идарисида тунҗи йиғинини чақирған иди.