болтон иранға қарита тәһдит характерлик сөзләрни қилди

түркийә авази радийоси хәвири: америка дөләт хәвпсизлик ишлири мәслиһәтчиси җон болтон, иран һакимийити «өлүм чачидиған һәрикәтлирини өзгәртмисә, ақивитигә мәсул болиду... бүгүн сөзүм наһайити ениқ, сизләрни көзитиватимиз вә пешиңларни қойивәтмәймиз» деди.

җон болтон, нйу йоркта давамлишиватқан б д т омумий кеңишиниң 73 – нөвәтлик башлиқлар йиғини даирисидә өткүзүлгән бир йиғинда иран тоғрисида еғир сөзләрни қилди. у иранға қаритип, «әгәр иттипақдашлиримиз, шериклиримиз вә хәлқимизгә зийан йәткүзсәңлар, қийамәт қайим болиду» деди вә сөзини давамлаштуруп, «бу өлүм чачидиған һәрикәтлирини өзгәртмисә, ақивитигә мәсул болиду... бүгүн сөзүм наһайити ениқ, сизләрни көзитиватимиз вә пешиңларни қойивәтмәймиз» дегәнләрни қәйт қилди.

иранниң диний рәһбири айәтуллаһ әли хамәней, шәнбә күни аһваз шәһиридики һәрбий парат әснасида йүз берип 25 адәм җенидин айрилған һуҗумни садир қилғучиларниң сәуди әрәбистан вә әрәб бирләшмә хәлипилики тәрипидин мәбләғ билән тәминләнгәнликини, америка қошма иштатлири тәрипидин муһапизәт қилинғанлиқини билдүргәниди.