трамп сәһрайи кәбир чөлигә там селишни тәклип қилған
америка пирезиденти доналд трампниң ақдеңиздин көчмән долқунини тохтитиш үчүн испанийәгә сәһрайи кәбир чөлигә там селишни тәклип қилғанлиқи ашкариланди.
түркийә авази радийоси хәвири: испанийә ташқи ишлар министири җосеп боррел пирезидент трампниң сәһрайи кәбиргә там селишни тәклип қилғанлиқини ашкарилиди.
ташқи ишлар министири җосеп боррел испанийә падишаһи фелип вә ханиш летизиниң ийун ейидики ақсарай зийаритидә һәмраһ болған иди.
трампниң сәһрайи кәбиргә там селиш пикрини бу зийарәт җәрйанида оттуриға қойғанлиқи тәхмин қилинмақта.
билдүрүлишичә, трамп тәклипигә җавабән сәһрайи кәбирниң узунлуқиниң тәхминән 5 миң километир келидиғанлиқини ейтқан испанийә дипломатлириға: «сәһрайи кәбир чеграси бизниң мексика чеграмиздин узун әмәс» дегән.
америка-мексика чеграси тәхминән 3200 километир келиду.
пирезидент трамп 2016-йилидики сайлам сәпәрвәрликидә қанунсиз көчниң алдини елиш үчүн мексика чеграсиға, «егиз вә наһайити көркәм» там селиш вәдисини бәргән иди.
маракәштә қанунсиз һалда йашаватқан йүзләрчә көчмән һәр йили йавропа үмиди билән испанийәниң шималий африқадики земини болған җеута вә мелиллаға бериш үчүн йол издәйду. бу шәһәрләр йавропаниң африқа билән қуруқлуқтин чегралинидиған бирдинбир чеграси һесаблиниду. әгәр там селинған тәқдирдә, бу шәһәрләр интайин кичик болғанлиқи сәвәбидин башқа дөләтләрниң тәвәликлиридин өтүшкә тоғра келиду.
