б д т хәвпсизлик кеңиши сүрийәдә бир айлиқ уруш тохтитиш қарари мақуллиди
һәмминиң бирдәк аваз бериши билән мақулланған қарарда барлиқ тәрәпләрниң әң аз дегәндиму бир ай уруш тохтитиши керәклики тәкитләнди.
түркийә авази радийоси хәвири:бирләшкән дөләтләр тәшкилати хәвпсизлик кеңиши сүрийәдә бир айлиқ уруш тохтитиш қарари мақуллиди.
бирләшкән дөләтләр тәшкилати хәвпсизлик кеңишиниң феврал ейи нөвәтчи рәиси кувәйт вә шивейитсарийә тәрипидин тәййарланған қарар тәклипи кеңәшниң авазиға қойулди.
һәмминиң бирдәк аваз бериши билән сүрийәгә инсанпәрвәрлик йардәмләрниң йәткүзилиши, болупму әсәд қисимлири тәрипидин қоршав астида тутуп туруливатқан шәрқий ғутәдики әһвали еғир кесәлләрниң вә йаридарларниң йөткилиши үчүн әң аз дегәндиму бир айғичә инсанпәрвәрлик уруш тохтитиш қарари мақулланди.
қарарда, инсанпәрвәрлик йардәмләрниң бихәтәр, тосалғусиз һалда давамлишиши, йәткүзүлиши вә әһвали еғир кесәлләр билән йаридарларниң хатириҗәм йөткилиши үчүн пүтүн сүрийә миқйасида барлиқ тәрәпләрдин дәрһал кечиктүрмәстин, туқунушларни әң аз дегәндиму бир айғичә тохтутуп туриши тәләп қилинди.
