әрдоған-путин учришиши, америка-түркийә мунасивитигә тәсир қилмайду
америка ташқи ишлар министирлиқи җумһур рәис рәҗәп таййип әрдоғанниң русийә пирезиденти владимир путин билән көрүшүшиниң, вашингтон билән әнқәрә оттурисидики мунасивәтләрни аҗизлатмайдиғанлиқини елан қилди.
түркийә авази радийоси хәвири: америка ташқи ишлар министирлиқиниң байанатчиси елизабит чудийу күндилик ахбарат елан қилиш йиғинида, түркийә билән русийәниң түнүгүн(9-авғуст) ки йуқири дәриҗилик учришишлири тоғрисида соралған соалларға җаваб бәрди. у җумһур рәис рәҗәп таййип әрдоған билән русийә пирезиденти владимир путинниң аридин тәхминән тоққуз ай өткәндин кейин тунҗи қетим йүзтуранә көрүшкәнликини әскәртип: «түркийә билән русийә оттурисидики йеқинлишишниң, бизниң түркийә билән болған мунасивәтлиримизни аҗизлитидиғанлиқи тоғрисида әндишәмиз йоқ» деди.
у йәнә, русийә билән түркийәниң мустәқил дөләтләр икәнликини тәкитләп: «уларниң дунйаниң нурғун җайлири билән мунасивәтлири бар. түркийә билән русийәниң бирдинбир ортақ нишани террорлуқ тәшкилати даеш әмәс, хәлқаралиқ сүрийәни қоллаш гурупписиму ортақ көңүл бөлидиған даирә ичидә» деди. у америкиниң түркийә билән болған һәрхил мунасивәтлириниң вә достлуқиниң интайин күчлүк икәнликини қәйт қилди.
у: «буни очуқ ейттуқ, биз түркийә һөкүмитини қоллаймиз» деди.
америка ташқи ишлар министирлиқиниң байанатчиси елизабит чудийу фәтһуллаһчи террорлуқ тәшкилати параллел дөләт қурулмиси (FETÖ/PDY) ниң каттибеши фәтһуллаһ гүләнниң қайтуруп берилишиға мунасивәтлик бир соалға, бу һәқтә түркийә даирилири билән бивастә учришиш һалитидә икәнликлирини билдүрди.
مۇناسىۋەتلىك خەۋەرلەر
нигерийәдә бир җамәдә партлаш йүз берип 11 адәм қаза қилди
нигерийәниң кано өлкисидики бир җамәдә йүз бәргән партлашта 11 адәм һайатидин айрилди.