әнглийә баш министири: ш д вақтида битәрәп қилинмиса....

әнглийә баш министири дйевид кәмерон, ирақ шам ислам дөлити ( ш д) мәқситигә йәткән тәқдирдә, дунйаниң «ақ (оттура) деңиз чеграсиғичә кәлгән бир террорист дөләт» хәвпигә дучар болуш еһтималиниң барлиқини ейтип агаһландурди.
кәмерон, әнглийә «йәкшәнбә почтиси» күндилик гезитидә елан қилинған мақалисидә, ирақ шам ислам дөлитини «қалаймиқан вә йавайи ашқунлар» дәп сүпәтлиди. кәмерон, ирақ шам ислам дөлити һазир битәрәп қилинмиса, бир террор дөлитиниң қуруп чиқилидиғанлиқини ейтти.
ирақ шам ислам дөлити тәшкилатиниң сийасәтлирини йошурмиғанлиқини тәкитлигән кәмерон, ирақ шам ислам дөлити тәшкилати кеңийип шималий атлантик әһди тәшкилати – натоға әза бир дөләткә қошна болуп қалған әһвалда, униң йавропаниң бихәтәрликигә рошән бир хәвп болидиғанлиқини әскәртти.
әнглийә баш министири мақалисидә, «бу интайин хәтәрлик террорист һәрикәт битәрәп қилинмиған тәқдирдә, ирақ шам ислам дөлити милитанлириниң әнглийә кочилирида кишиләрни нишанға елиш арқилиқ йетәрлик күчкә игә болуш еһтималиниң барлиқи» ни йазди. кәмерон, тәшкилатқа берилиши керәк болған қаттиқ бир инкасқа еһтийаҗ барлиқини қәйт қилди.