нигерийәдә гөрүгә еливелинғанларниң орни ениқлап чиқилди

түркийә авази радийоси хәвири: нигерийәдә боко һарам тәшкилати тәрипидин гөрүгә еливелинған 200 дин артуқ қиз оқуғучиларниң орниниң ениқлап чиқилғанлиқи билдүрүлди.
баш иштаб башлиқи алекс бадеһ, гөрүгә еливелинған қизларниң орнини ениқлап чиқққанлиқлирини бирақ бу һәқтә мәлумат берилмәйдиғанлиқлирини җакарлиди.
қизларниң бихәтәрлики үчүн издәш - қутқузуш һәрикитиниң наһайити еһтийатчанлиқ билән елип бериливатқанлиқини қәйт қилған бадеһ, «қизларни қайтуруп келимиз дәп уларға зийан йәткүзидиған ишни қилалмаймиз» деди.
йәнә бир тәрәптин, әнгилийәниң «‹ BBC› телевизийә қанили», нигерийә һөкүмити билән боко һарам тәшкилати оттурисида музакириләр һәққидә тәпсилий учурға еришти.
буниңға асасланғанда, музакириләрдә қизларниң қойуп берилишиниң бәдилигә боко һарам тәшкилатиниң 100 нәпәр әзасиниң түрмидин қойуп берилиши мәсилисидә асасий җәһәттин бирдәклик һасил қилинған. бирақ әсирләр билән қизларни алмаштуруш һарпирисида нигерийә һөкүмити келишимдин вазкәчкән.