عمر بوُلات: تۆرکیأنینگ قورلوشیق پوداغی داشاری یورتلاردا 430 میلیارد دلارلیق ایش آلدی
گچیریلن دابارادا 42 قورلوشیق شرکتی و 6 گِنگِه‌شچی شرکته بایراق بریلدی
تۆرکیأنینگ سؤودا (تیجارت) وزیری عمر بوُلات تۆرکیأنینگ قولوشیق پوداغی نینگ 20 ییلدا 430 میلیارد دلار گۆیجه یتندیگینی آیتدی.
1972-2002 آرالیغینداقی 30 ییلدا تۆرک شرکتلری نینگ داشاری یورتلاردا 50 میلیارد دلار ایش آلیپ باراندیقلارینی آیدان بوُلات، بو موقدارینگ سوُنگقی 20 ییلدا 430 مییلیارد دلارا یتندیگینی آیتدی.
2023-نجی ییلینگ آگوست آییندا تۆرک شرکتلری نینگ داشاری یورتلاردا 11 مۆنگ 800 پروژه آلیپ باریاندیغینی آیدان تۆرک وزیر، تۆرکیأنینگ قورلوشیق شرکتلری نینگ 133 یورتدا 482 میلیارد دلار پروژه عامالا آشیریاندیغینی بیلدیردی.
تۆرک وزیر 2023-نجی ییلدا تۆرک قورلوشیق شرکتلری نینگ داشاری یورتلاردا 20 میلیارد دلارلیق پروژه آلماغینا قاراشیاندیقلارینی آیتدی.
گچیریلن دابارادا تۆرکیأنینگ قورلوشیق شرکتلری نینگ اینگ قوُویلاری بایراقلارینی تۆرکیأنینگ جمهورباشلیغی رجب طیب أردوُغان ینگ الیندن آلدی.
دابارادا 42 قورلوشیق شرکتی و 6 گِنگِه‌شچی شرکته بایراق بریلدی.
دِگیشلی حابارلار
پگاسوس قوربان بایرامیندا اوچار ساپارلاری نینگ سانینی یوُقارلادار
بایرام سبأپلی یوُلاغچیلارینگ اینگ کؤپ اوچار بیلن گیتجک یرلری آدانا، آنتالیا، بدروم، دالامان و ایزمیر
