دمیرقازیق طبیغی گاز پروژه سی نینگ ۴۰ گؤتریمی تاماملاندی

روسیانینگ انرژی شرکتی گازپروم دمیرقازیق آقیم ۲ پروژه سی نینگ ایشلری نینگ ۴۰ گؤتریمی نینگ تاماملاناندیغینی بیلدیردی.

گازپروم ۹۷۸ کیلومتر توربانینگ قۇیولاندیغینی بیلدیردی.

گازپروم ینگ باشلیغی آلکسی میلر بیلن فرانسیانینگ مسکوداقی باش ایلچیسی سیلویه برمان سن پترزبورگ دا دوشوشدی.

دوشوشیقدا دمیرقازیق آقیم ۲ تاسلاماسی گۆن ترتیبینه گتیریلدی.

دوشوشیقدا گازپروم شرکتی نینگ دمیرقازیق آقیمی ۲ طبیغی گاز گچیریجی پروژه سی نینگ ۹۷۸ کیلومترلیک تورباسی نینگ ایشلری نینگ تاماملاناندیغی بیلدیریلدی.

۱۰ میلیارد یورولیق پروژه تاماملاناندا ییلدا ۵۵ میلیارد مکعب متر روس طبیغی گازی بالتیک دنگیزی اۆستی بیلن آلمانیا ایبریلر.

آمریکا، اوکراینا، لهستان و بالتیک یورتلاری بو پروژأ قارشی چیقیار.

گاز پروم بو پروژه ده شل، OMV، انژی، یونیپر و وینترشال یالی گۆن باتارلی شرکتلر بیلن بیله لیکده ایشله شیأر.

گازپروم اؤتن ییل اوروپا ساتانی۱۹۴.۴ میلیارد مکعب متر طبیغی گازی نینگ ۳۰ گؤتریمینه قۇلایینی اوکراینانینگ اۆستی بیلن ساتدی.