ایران آمریکانی شیکأیت اتدی

ایران آمریکانینگ یکه تاراپلی بی قانون چأکلندیرمه لری سبأپلی حالقارا قاضیه ته شیکأیت ادندیگینی بیلدیردی.

ایران ینگ داشاری ایشلر وزیری محمدجواد ظریف توییتر حاسابیندان برن بیاناتیندا، "ایران شو گۆن بی قانون و یکه له یین قۇیلان چأکلندیرمه لر سبأپلی آمریکانی حالقارا عادالات دیوانینا شیکأیت اتدی. بو یوردونگ حالقارا شرطنامالاری باسغیلاماغی دأبه اؤورۆلمه‌لی دألدیر و شونونگ اؤنگۆنه گچیلمه‌لیدیر" دییپ یازدی.

آمریکانینگ یۇلباشچیسی دونالد ترامپ اتمی ایلالاشیقدان چکیلِندیگینی بیان اتمه گیندن سۇنگ آمریکانینگ غازنا وزیرلیگی ایلکینجی چأکلندیرمأنینگ آگوست آییندا، ایکینجی چأکلندیرمه بوقچاسی نینگ دا نۇیابر آییندا تأزه دن قۇیولجاقدیغینی بیلدیریپدی.