الهام علی یف: ایلکینجی جانگ ادیأن آدامیم أردوُغان دیر
آذربایجان ینگ جمهورباشلیغی تۆرکیأنینگ جمهورباشلیغی أردوُغان ینگ اؤزلرینه اولی قوُلداو برندیگینی آیتدی
آذربایجان ینگ جمهورباشلیغی الهام علی یف یوردونینگ هر حیلی قینچیلیقدا ایلکینجی جانگ اتجک آدامی نینگ أردوُغان بوُلاندیغینی آیتدی.
الهام علی یف بیر تلویزیون کانالینا بیانات بردی.
2020-نجی ییلینگ 27-نجی سپتامبر بیلن 19-نجی اکتبری آرالیغیندا 2-نجی قاراباغ ساواشی دوُوام ادیأرکأ تلفن آرقالی دوشوشاندیقلارینی آیدان علی یف، اینگ کؤپ تۆرکیأنینگ جمهورباشلیغی أردوُغان و روسیانینگ باش توتانی ولادیمیر پوتین بیلن گِپله‌شندیگینی آیتدی.
الهام علی یف أردوُغان ینگ ساواشینگ بیرینجی گۆنۆندن سوُنگقی گۆنۆنه چنلی یوردونا قوُلداو برندیگینی یاتلاتدی و
"آذربایجانا برن سیاسی و معنوی قوُلداو بیرنأچه تاراپا دویدوریش یالی بوُلدی. بو مسئله، دینگه آذربایجان حالقی بیلن جبیسلیک بیاناتی دألدی، شوُل بیر واغتدا ساواشا ال آتجاق بوُلانلارا دا "سیز بو ایشه قاریشمانگ" دییلن بیاناتدی. آذربایجان ینگ حالقی مونی هیچ هاچان اونوتماز" دیدی.
شوشا شهری نینگ اشغالدان آزات ادیلمه گیندن سوُنگ اؤزۆنی قوتلان بیرینجی آدامینگ دا أردوُغان بوُلاندیغینی یاتلادان آذربایجان ینگ جمهورباشلیغی "اگر شو گۆنکی گۆنده یوردومیز اولی بیر قینچیلیغا دۆشسه منینگ ایلکینجی جانگ اتجک آدامیم دوُغانیم رجب طیب أردوُغان بوُلار" دیدی.
