ایسرائیل، ت. ر. ت نینگ قدس شهریندأکی ایشینه پأسگِل بریأر

ایسرائیل ینگ پلیسی اشغال آستینداقی گۆن دوُغار قدس شهرینده تۆرکیأنینگ رادیو و تلویزیون قوراماسی ت. ر. ت نینگ گؤنی افیری نینگ اؤنگۆنه گچدی.

گؤنی اِفیرده افیرینگ کابلینی چکن ایسرائیل ینگ پلیسی یایلیمی دوروزدی.

نأچه هپده دن بأری مسجدالأقصی دا جومغا نامازینی دوروزان ایسرائیل ینگ پلیسی جومغا نامازینی مسجدالأقصی نینگ تؤوه‌رِگینده قیلماق ایسله یأن فلسطینلیلری بینجالیق اتدی.

ینه بیر گِزه ک تلویزیون کاناللاری و ژورنالیستلارینگ ایشینه پأسگل برن ایسرائیل، ایندی بوُلسا ت. ر. ت حابار کانالی نینگ گؤنی افیرینی دوروزماق ایسله دی.

7-نجی اکتبردان بأری غزه ده قیرغینچیلیق ادیأن ایسرائیل مسجدالأقصی دا دا آشاگۆیچ اولانماغا دوُوام ادیأر.

ایسرائیل هۆجۆمی باشلادان گۆنۆندن بأری 11 هپده دن بأری مسجدالأقصی نی قاباو آستیندا توتیار.

مسجدالأقصی گیرمه ک و ناماز اوُقیماق ایسله یأن فلسطینلیلره قوُیولان چأکلندیرمه لر 11 هپده دن بأری دوُوام ادیأر.