15-نجی ایول دا شهیت بوُلانلار یاتلاندی
15-نجی ایول دموکراسی و میللی جبیسلیک گۆنۆنده شهیتلر یاتلاندی
فتؤنینگ آغدارلیشیغا سینانشیغی نینگ 7-نجی ییلیندا پایتاغت آنکاراداقی بأش‌دپه میللت متجیدینده گچیریلن دابارادا 15-نجی ایول دا شهیت بوُلانلار یاتلاندی.
تۆرکیأنینگ جمهورباشلیغی نینگ اوُرونباساری جودت ییلماز، جمهورباشلیقلیق کمپلکسی نینگ اؤنگۆندأکی 15-نجی ایول یأدیگأرلیگینه گۆل دِسسه سینی قوُیدی.
تۆرکیأنینگ بیک میللت مجلیسینده ده 15-نجی ایول دموکراسی و میللی جبیسلیک گۆنی سبأپلی 15-نجی ایول شهیتلری یأدیگأرلیگینده دابار گچیریلدی.
دابارادا تۆرکیأنینگ بیک میللت مجلیسی نینگ باشلیغی نعمان قورتولموش و جمهورباشلیغینگ اوُرونباساری جودت ییلماز یأدیگأرلیگه گۆل دِسسه سینی قوُیدی.
ییلماز دابارادا ترور قوراماسی نینگ آغضالارینا آغیر ضاربا اورلاندیغینی و ترور قوراماسی نینگ آغضالاری نینگ ادارالاردان چیقاریلاندیغینی یاتلاتدی و
"یاشلاریمیزی، گلجگیمیزی و آزاتلیغیمیزی نیشان آلان بۆتین تاراپلارا قارشی تک بیر شهیدیمیزینگ قانینی، تک بیر غازیمیزینگ آهینی یرده قوُیمادیق، قوُیماریس. حالقارا یاغدایدا فتؤ باشدا بوُلماق بیلن بۆتین ترور قورامالاری تیتگ پروپاگانداسینا جوُغاپ بریلیأر. دیپلماتیک دوشوشیقلاردا دا بو مسئلأنینگ بیزینگ قیزیل چیزیغیمیز بوُلاندیغی آیدیلیار" دیدی.
ییلماز بو میللتینگ بیر آغضاسی بوُلاندیغینا بویسانیاندیغینی آیتدی و شوُل حیاناتچیلیقلی آغدارلیشیغا سینانشیغی اونوتمادیقلارینی و اونوتدورماجاقدیقلارینی بیلدیردی.
