أردوُغان آلتای تانکی نینگ قشونا تاپشیریلماغی داباراسینا قاتناشدی

تۆرکیأنینگ جمهورباشلیغی رجب طیب أردوُغان قشون تاراپیندان سیناغ گچیریلندن سوُنگرا آلتای تانکلاری نینگ اؤندۆریلمأگه باشلانجاقدیغینی آیتدی.

أردوُغان ساکاریا شهرینده تأزه آلتای تانکی نینگ قشونا تاپشیریلماغی اۆچین گچیریلن دابارا قاتناشدی.

تۆرکیأنینگ یوُلباشچیسی تۆرکیأنینگ قوُرانماق صناغاتی نینگ پروژه لری نینگ بودجه سی نینگ 75 میلیارد دلارا یتندیگینی آیتدی.

أردوُغان حوُوپسوزلیق گۆیچلری نینگ اولانیان اولاغی اۆچین یرلی و میللی پروژه لری یرینه یتیرمه ک اۆچین اوزاق ییللاردان بأری تاغاللا ادیأندیکلرینه اۆنس چکدی و

"فیرتینا توُپالاریندان دۆلی کالیبرده یاراغ و ساواش اولاغلارینی دا قشونیمیزا یتیردیک. تانک و سوُوتلی اولاغلاریمیزی سوُنگقی تکنولوژیلر بیلن اۆپجۆن اتدیک" دیدی.

رجب طیب أردوُغان تۆرکیأنینگ قوُرانماق صناغاتی اؤنۆملری نینگ کؤپ سانلی قشون تاراپیندان اولانیلیاندیغینی آیتدی و "تأزه آلتای تانکیمیزینگ بو جغرافیادا یاراغلی گۆیچلریمیز اۆچین اؤرأن أهمیتلی بیر گۆیچ بوُلجاقدیغینا اینانیارین" دیدی.

أردوُغان پروتکل آغضالاری بیلن آلتای تانکی نینگ اؤنگۆنده فتوصورات چکدیردی.

تۆرکیأنینگ جمهورباشلیغی توییتر حاسابیندان دا "یادامادیق، دورمادیق، ایزا گیتمه دیک و باشاردیق. اینحأ تأزه نسیل آلتای تانکیمیز" دییپ یازدی.