أردوُغان: تۆرک هوُوا یوُللاری بو ییلا دۆرلی رکوردلار بیلن باشلادی

تۆرکیأنینگ جمهورباشلیغی رجب طیب أردوُغان، تۆرک هوُوا یوُللاری نینگ 2023-نجی ییلا رکورد بیلن باشلاندیغینی آیتدی و ییلینگ آخیریندا دا ینه رکورد قوُیماغینی آرزوو اتدی.

تۆرک یوُلباشچی آنتالیادا گچیریلن تۆرک هوُوا یوُللاری نینگ ایش آلیپ باریجیلار ماصلاحاتینا ویدئو آرقالی بیانات ایبردی.

بۆتین دۆنیأنینگ 3 ییلدان بأری کروناویروس بیلن باشلاپ چاقنیشیقلار سبأپلی قین یاغدایدان گچندیگینی آیدان أردوُغان، بو شرطده اینگ کؤپ یاراماز تأثیر آلان پوداغینگ هوُواچیلیق پوداغی بوُلاندیغینا اۆنس چکدی.

"تۆرکیه یوُقانچ کسلینده ساغلیغی نأحیللی قوُران بوُلسا، هوُوا قاتناویندا دا شوُل اۆستۆنلیگی گؤرکِزدی" دیه ن أردوُغان تۆرک هوُوا یوُللاری نینگ گؤره ن چأره لری و کووید دؤورۆنده آلیپ باران ایشلری بیلن بو قین شرطلرده اینگ آز ضلل گؤرِندیگینی بیلدیردی.

رجب طیب أردوُغان 2021-نجی ییلینگ یارالارینگ ساریلان ییلی حؤکمۆنده بوُلاندیغینی و 2022-نجیی ییلدا دۆرلی رکوردلارینگ قوُیولاندیغینی آیتدی.

تۆرکیأنینگ جمهورباشلیغی ایستامبول و آنتالیا باشدا بوُلماق بیلن یوردونگ قوُنالغالاریندا یوُلاغچی سانی تایدان رکوردلارینگ قوُیولاندیغینی یاتلاتدی.

أردوُغان "تۆرک هوُوا یوُللاری سوُنگقی 20 ییلدا قاناتلارینی 5 قاره ده 129 یوردا آچیپ یوردومیزینگ اینگ قیممات باهالی شرکتی بوُلدی. بو شرکتینگ دۆنیأنینگ اینگ قیممات باهالی 10 هوُوا یوُلی شرکتی نینگ آراسیندا بوُلماغی بیزینگ اۆچین اولی بیر بویسانچ" دیدی.

تۆرک یوُلباشچی کابین و اوچارمان توُپارلاریندان تکنیسین و ساتوو توُپارلاریندان ادارا ایشگأرلرینه چنلی بۆتین تۆرک هوُوا یوُللاریندا ایشله یأنلره اۆستۆنلیک آرزوو اتدی و "2023-نجی ییلا رکوردلار بیلن گیردیک، سیزینگ ده تاغاللالارینگیز بیلن ان شاءالله ینه شو ییلی تأزه رکوردلار بیلن تاماملاماغی آرزوو ادیأرین" دیدی.