أردوُغان: غاللا کریدوری بیلن اولی بیر انسانی دارتغینلیغینگ اؤنگۆنه گچدیک
أردوُغان ایستامبوئل دا اکِرانچیلیق اکوسیستمی داباراسیندا بیانات بردی
تۆرکیأنینگ جمهورباشلیغی رجب طیب أردوُغان تۆرکیه حؤکمۆنده اوکراینانینگ دنگیزیاقاسینداقی اسکله لردن غاللا قاتنادیلماغینی باشلادیپ اولی بیر انسانی دارتغینلیغینگ اؤنگۆنه گچندیکلرینی آیتدی.
أردوُغان ایستامبوئل دا اکِرانچیلیق اکوسیستمی داباراسیندا بیانات بردی.
توُپراغینگ ایندی ده آصیل یاشاییش چشمه سی حؤکمۆنده أهمیتینی قوُرایاندیغینی یاتلادان أردوُغان،
"بیز ده توُپراغیمیزا و اکِرانچیلاریمیزا ایه چیقماغینگ أهمیتینی بیلیأریس. توُپراغی و ایشله یأن اکرانچینی آخمال ادن، گلجگینی آخمال ادر" دیدی.
تۆرک یوُلباشچی مایاقوُیوم، ایش، اؤندۆریش، داشاساتوو و بودجه دنگ آغراملیلیغی یوُلی بوُلان 5 اساس بیلن تۆرکیأنی اؤسدۆرجکدیکلرینی نیغتادی.
دایخانلارا قوُلداو کردیتی بریلجکدیگینی آیدان أردوُغان، اکرانچیلارا قوُلداو برمأگه دوُوام اتجکدیکلرینی ده سؤزلرینه قوُشدی.
24-نجی فورال دان بأری دوُوام ادیأن روسیا- اوکراینا ساواشی سبأپلی اوکراینانینگ اسکله لریندن غاللا قاتنادیلماغی نینگ توُغتاندیغینی و مونونگ دا گلوبال بیر ایمیت مسئله سینه اؤورۆلندیگینی یاتلادان أردوُغان،
"غاللا قاتناوی نینگ دورماغی آچلیق تهدیدینی یۆزه چیقاردی. تۆرکیه غاللا قاتناوینی یانگاداندان باشلادیپ انسانلیغی اولی بیر دارتغینلیقدان قایتاردی" دیدی.
دِگیشلی حابارلار
گۆلر سومالی‌لی ایشدشی بیلن دوشوشدی
سومالی نینگ قوُرانماق وزیرلیگی، افس تۆرگِنله شیگینه قاتناشماق اۆچین ایزمیرده بوُلیار
أردوُغان ایسرائیل دوُلانشیغینی برک یازغارماغا دوُوام ادیأر
تۆرکیأنینگ جمهورباشلیغی ایسرائیل ینگ دوُلانشیغینی اینگ برک یاغدایدا یازغارماغا دوُوام ادیأر
