پأکیستان ینگ سنا مجلیسی نوبل بایراغی اۆچین أردوُغان-ی تکلیپ اتدی

پأکیستان ینگ سنا مجلیسی نینگ باشلیغی محمد صادق سنجرانی تۆرکیأنینگ جمهورباشلیغی رجب طیب أردوُغان-ی روسیا- اوکراینا آراسینداقی ساواشدا ادن دیپلماتیک تاغاللالاری سبأپلی نوُبل پاراحاتچیلیق بایراغینا دالاشگأر گؤرکِزدی.

صادق سنجرانی پأکیستان ینگ حالقی و سنا مجلیسی تاراپیندان أردوُغان-ی پاراحاتچیلیق نوبل بایراغینا دالاشگأر گؤرکِزندیکلرینی آیتدی.

روسیا- اوکراینا ساواشی نینگ بۆتین دۆنیأ ضلل برج کبیر "اتمی جدل" بوُلوپ بیلجکدیگینه اۆنس چکن سنجرانی أردوُغان ینگ اولی تاغاللاسی بیلن هر ایکی تاراپ بیلن ده  واغتیندا و تأثیرلی یاغدایدا دیپلماتیک دوشوشیقلار گچیریپ گلوبال بیر بدباغتچیلیغی دوروزاندیغی بیلدیردی.

سنجرانی غاللا کریدوری ایلالاشیغی بیلن بؤلگأنینگ اولی بیر آچلیق پاجیغاسیندان چیقاندیغینی آیتدی و أردوُغان ینگ چئن بیر دؤوت آدامی بوُلاندیغینا و دینگه اؤز اۆلکه سی اۆچین دأل، بؤلگه و دۆنیأنینگ یاغشیلیغی و بایلیغی اۆچین ایش آلیپ باران حالق باش توتانی بوُلاندیغینی بیلدیردی.

پأکیستان ینگ سنا مجلیسی نینگ باشلیغی أردوُغان ینگ حضرت محمدینگ بۆتین انسانلیغا پاراحاتچیلیق، یاغشی نیت و سؤیگی باراداقی توصیه لرینی اؤزۆنده اۆیشۆرندیگینی آیتدی.