أردوُغان: قارادنگیزده 58 میلیارد مکعب مترلیک طبیغی گاز رزروی تاپیلدی

تۆرکیأنینگ جمهورباشلیغی رجب طیب أردوُغان قارادنگیزده 58 میلیارد مکعب مترلیک طبیغی گاز رزروی نینگ تاپیلاندیغینی آیتدی.

أردوُغان پایتاغت آنکاراداقی ماصلاحاتدان سوُنگرا میللته بیانات بردی.

تۆرکیأنینگ ایندی دینگه اؤزی اۆچین قوُرانماق صناغاتی اؤنۆملرینی اؤندۆریأن یورت یاغداییندان چیقاندیغینا اۆنس چکن تۆرک یوُلباشچی "گۆن سایین یوُقارلایان داشاساتوو موقداریمیز بیلن بۆتین دۆنیأده قوُرانماق صناغاتی پوداغیمیزینگ اؤنۆملری بیلن اؤزۆمیزدن سؤز اتدیریأن بیر یاغدایا گلدیک" دیدی.

گلجک ییل حوُوپسوزلیق مسئله سینده، ترورچیلیغی چشمه سیندن قوریتماق استراتژیسینی بۆتین گۆن اوُرتا سرحتلری بوُیونچا توتان یرلی یاغدایدا آلیپ بارجاقدیقلارینی آیدان أردوُغان "ایلایتا دا سوریه دن یوردومیزا گؤنۆکیأن تهدیتلری دوُلولیغینا یوُق اتمه ک اۆچین 30 کیلومتر چونگلوقداقی حوُوپسوزلیق حاطیمیزداقی اِگسیکلری یاپماق اۆچین ایش آلیپ باراریس" دیدی.

قارادنگیزده 59 میلیارد مکعب مترلیک تأزه طبیغی گاز رزروینی تاپاندیقلارینی نیغتان أردوُغان، تۆرکیأنینگ قارادنگیزدأکی طبیغی گاز رزروی نینگ 710 میلیارد مکعب متره یتندیگینی و شوُل یرده تاپیلان طبیغی گازینگ حالقارا بازارلارداقی قیممات باهاسی نینگ 1 تریلیون دلارا یتندیگینی سؤزلرینه قوُشدی.

أردوُغان قارادنگیزده طبیغی گاز بارلاغلارینا دوُوام ادیلجکدیگینی بیلدیردی.