أردوُغان سعودی عربیستان ینگ پارلمانی نینگ باشلیغینی قابول اتدی

تۆرکیأنینگ جمهورباشلیغی رجب طیب أردوُغان سعودی عربیستان ینگ شورا مجلیسی نینگ باشلیغی عبدالله بن محمد آل شیخ-ی قابول اتدی.

پایتاغت آنکاراداقی قابول ادیلشیک مطبوغاتا یاپیق یاغدایدا گچیریلدی.

قابول ادیلشیگه تۆرکیأنینگ بیک میللت مجلیسی نینگ باشلیغی مصطفی شن توپ دا قاتناشدی.

شن توُپ آل شیخ و بیله لیگیندأکی توُپاری بیلن اؤزآرا و توُپارآرا دوشوشیق دا گچیردی.

دوشوشیقدا یورتلارآراسی ایکی تاراپلایین دوشوشیقلارینگ، قاتناشیقلارینگ اؤسمه‌گی و حیذماتداشلیغینگ گۆیچلنمه گینه سبأپ بوُلیاندیغینی آیدان مصطفی شن توپ، سیاسی دوشوشیقلارینگ ایقدیصادی و تیجاری قاتناشیقلارا دا گۆیچ برجکدیگینی نیغتادی.

شن توُپ ایلایتا تۆرکیأنینگ آیلاق بؤلگه سیندأکی یورتلارینگ حوُوپسوزلیق و آسودالیغینا بریأن أهمیتینه اۆنس چکدی و

"فلسطین دن یمنه، لیبی دن سوریأ چنلی اولی جغرافیادا یاقین قاتناشیقلاریمیزی قوُراماغینگ اولی بأحبیدی بوُلار" دیدی.