أردوُغان ارزروم دا یاشلار بیلن دوشوشدی

تۆرکیأنینگ جمهورباشلیغی رجب طیب أردوُغان آمریکا باشدا بوُلماق بیلن گۆن باتار یورتلارینگ تۆرکیأنینگ قوُرانماق صناغاتینداقی تکنولوژینی آلجاق بوُلیاندیقلارینی آیتدی.

أردوُغان ارزروم دا یاشلار بیلن دوشوشدی.

تۆرک صناغاتی نینگ بویسانچ چشمه سی بوُلان یرلی الکتریکلی اتومبیل توگ ینگ اؤنۆمینه دوُوام ادیلیأندیگینی آیدان أردوُغان، "ان شاءالله بیرنأچه آی سوُنگرا توگ ینگ قارا رننگینی یوُللاریمیزدا گؤرمأگه باشلاریس" دیدی.

أردوُغان "ایلایتا دا یوردومیزینگ شو واغتا چنلی اینگ یوُقاری حیللی حاربی گأمیسی بوُلجاق آناتولی نی ایندیکی ییل حیذماتا آلاریس. میللی ساواش اوچاریمیز دا اوچماغا باشلار" دیدی.

پلانلاییش، اؤنۆم، مونتاژ و پروگراممالاماسی دوُلولیغینا یرلی مۆمکینچیلیکلر بیلن اۆپجۆن ادیلن ایمه‌جه عملی همراسی و تۆرک ست 6-آ-نی دا گؤنگه ایبرجکدیکلرینی نیغتان أردوُغان،

"شیله لیک بیلن گؤنگ ده 10 سانی عملی همرامیز بوُلار. قارادنگیزدأکی 540 میلیارد مکعب متر طبیغی گازی دا 2023-نجی ییلینگ ایلیکنجی چأریِگینده اؤیلریمیزده یاقاریس" دیدی.

تۆرک یوُلباشچی 2023-نجی ییلدا یوُقاری تکنولوژی نینگ اؤرأن یوُقارلان بیر دؤورۆنه گیریلجکدیگینی بیلدیردی و ایلایتا دا پروگرامما اۆپجۆنچیلیگینده تۆرکیأنینگ اولی اۆستۆنلیکلر گؤرجِکدیگینی آیتدی.

أردوُغان تۆرکیأنینگ قوُراغ صناغاتیندا دا اولی أدیملر أدِندیگینی آیتدی و آمریکا باشدا بوُلماق بیلن گۆن باتار یورتلاری نینگ تۆرک تکنولوژیسینی آلماق ایسله یأندیکلرینی بیلدیردی.