أردوُغان اسلام دۆنیأسینه ایکی یۆزلی چِمِه‌له‌شِن یورتلاری تانقیت اتدی

تۆرکیأنینگ جمهورباشلیغی رجب طیب أردوُغان کوُلوُنیال (استعماری) گچمیشینه قارشی دورماق آدامکأرچیلیگینی گؤرکِزیپ بیلمه‌یأنلرینگ هر گِزه ک آغزینی آچاندا، آدام حقوقلاری و قانونینگ اۆستۆنلیگی بارادا گۆرله‌یأندیگینی آیتدی.

أردوُغان ایستامبول داقی دوُلماباغچا کؤشگۆنده گچیریلن اسلام دۆنیأسی نینگ اساسی قانون قاضیه‌ت کنفرانسی نینگ آچیلیش کنگره‌سینده بیانات بردی.

تۆرک یوُلباشچی شو گۆن باشلان و ایکی گۆن دوُوام اتجک کنفرانسدا قانونینگ اۆستۆنلیگی، دموکراسی و آدام حقوقلارینا حوُرمات قوُیماق یالی مسئله لر حاقیندا پیدالی و بأحبیتلی چکیشمه‌لرینگ گچیریلجکدیگینه اۆنس چکدی.

"اسلام دۆنیأسی اساسان دا قانون و عادالات بیلن باغلانشیقلی کؤپ عادالاتسیز، دۆیپسۆز و انصاف چأکلرینی گچن تانقیتلارا سزه‌ور بوُلیار" دیه ن أردوُغان،

"اؤز استعماری گچمیشینه قارشی دورماق باراسیندا آدامکأرچیلیک گؤرکِزیپ بیلمه یأنلر هر گِزه ک آغزینی آچاندا آدام حقوقلاری و قانونینگ اۆستۆنلیگی حاقیندا گۆرله‌یأرلر. مسئله اؤز حوُوپسوزلیغی بوُلاندا داشینگ اۆستۆنده داش، گرشینگ اۆستۆنده باش قوُیمایانلار بیزینگ حقوق و عادالات سیستمیمیزه سؤز یتیریأرلر. دۆنیأنینگ کؤپ یوردوندا قانلی ترور قورامالارینی قوُلداماقدان چِکینمه‌یأنلر بیزه آدام عؤمرۆنینگ موقاددسلیگی بارادا ساپاق برجک بوُلیارلار" دیدی.

تۆرک یوُلباشچی "سوریه لی، عیراقلی و آفریقالی بوُسغونلار بیلن اؤز آرالاریندا دیوار اؤرِنلر پ. ک. ک و فت الله چی ترور قوراماسینا (فتؤ) آغضا بوُلان ترورچیلارا نوُبا گلنده اؤرأن حوُش نیتلی بوُلوبریأرلر" دیدی.