أردوُغان ترور قورامالارینا قوُلداو بریأنلری یازغاردی
أردوُغان پایتاغت آنکارادا جمهورباشلیقلیق کمپلکسیندن بیتلیس چایی کؤپرۆسی و یوُللاری نینگ آچیلیش داباراسینا قاتناشدی
تۆرکیأنینگ جمهورباشلیغی رجب طیب أردوُغان ترور قورامالارینا قوُلداو بریأنلری یازغاردی و "بیریلری حأضیر ده سرحتلریمیزده ترور قورامالارینی اۆستۆمیزه سالماق و اوُزالقی گۆنلری یاشاتماق ایسله سه ده بو سناریو ایندی حاقیقات بوُلوپ بیلمهز" دیدی.
أردوُغان پایتاغت آنکارادا جمهورباشلیقلیق کمپلکسیندن بیتلیس چایی کؤپرۆسی و یوُللاری نینگ آچیلیش داباراسینا قاتناشدی.
أردوُغان "ترورچیلیغینگ کؤلهگهسینی بیتلیس دن اوزاقلاشدیریپ نأحیللی حوُوپسوزلیق و دورنوقلیلیغی یرینه یتیرن بوُلساق بو اساسی قورلوشیقلار بیلن اؤسۆش ماقصادیمیزینگ اؤنگۆندأکی پأسگِلچیلیکلری ده یوُق ادریس" دیدی.
تۆرکیأنینگ ده بیتلیس ینگ ده گۆن ترتیبی نینگ اؤسۆش، اؤنۆم و بایلیق بوُلاندیغینی آیدان تۆرک یوُلباشچی "میللتیمیز برن ییتگیلرینی ده آصلا اونوتماز. ترورچیلارا قوُلداو بریأنلره روغصات برمهز" دیدی.
أردوُغان "گچن 20 ییلدا یوردومیزا قوُشان دموکراسی و اؤسۆشی موندان دا اولی باشلانغیچلارا اؤوۆرمخهک اۆچین تۆرکیأنینگ عاصرینی باشلادیاریس" دیدی.
دِگیشلی حابارلار
گۆلر سومالیلی ایشدشی بیلن دوشوشدی
سومالی نینگ قوُرانماق وزیرلیگی، افس تۆرگِنله شیگینه قاتناشماق اۆچین ایزمیرده بوُلیار
أردوُغان ایسرائیل دوُلانشیغینی برک یازغارماغا دوُوام ادیأر
تۆرکیأنینگ جمهورباشلیغی ایسرائیل ینگ دوُلانشیغینی اینگ برک یاغدایدا یازغارماغا دوُوام ادیأر