سلیمان سوُیلو آلمانیالی ایشدشی بیلن دوشوشدی

تۆرکیأنینگ ایچری ایشلر وزیری سلیمان سوُیلو پنچه کیلیت هوُوا حرکتی باراسیندا "سرحتلریمیزی ده میللتیمیزی ده قوُراماق بیزینگ جوُغاپکأرچیلیگیمیزدیر. یوردومیزا و میللتیمیزا بوُرجومیزدیر. بو مسئله هر یوردونگ و هر میللتینگ مشروع حاقیدیر" دیدی.

سلیمان سوُیلو پایتاغت آنکارادا آلمانیانینگ ایچری ایشلر وزیری نانسی فزر بیلن دوشوشدی.

ایکی وزیر دوشوشیقدان سوُنگرا اوُرتاق مطبوغات ییغناغینی گچیردی.

تۆرک وزیر دوشوشیق بیلن باغلانشیقلی "ترورچیلیق بیلن گؤره شدأکی اوُرتاق قاراییشیمیزی یانگاداندان گِنگه شدیک. پ. ک. ک، د. اچ. کی. پی- ج، داعش، فت الله چی ترور قوراماسی (فتؤ) و کؤپ سانلی ترورچیلیق توُپارلاری بیلن باغلانشیقلی گِنگِه‌شدیک. بولار بیلن اوُرتاق یاغدایدا گؤره ش اتمه ک انسانچلیغی و دۆنیأنینگ و یوردومیزینگ دورنوقلیلیغینی قیزیقلاندیریاندیر" دیدی.

سلیمان سوُیلو تۆرکیأنینگ سوریه و عیراق داقی حرکتلری بارادا،

"آلمانیا یا-دا اوروپانینگ هر بیر یرینده، دۆنیأنینگ بیر یرینده ترورچیلیقلی هۆجۆم بوُلسا نأحیللی پیکیر ادیأن بوُلساق تؤه‌رِگیمیزدأکی جغرافیاداقی ترور قورامالاری بیلن باغلانشیقلی ده شوُل بیر قاراییشا ایه بوُلونماغینی ایسله یأریس. تؤه‌رِگیمیزده بیر ترورچیلیق دؤولتی قورماق ایسله دیلر و مونگا بیزینگ روغصات برمه گیمیز مۆمکین دألدیر. سرحتلریمیزی ده میللتیمیزی ده قوُراماق بیزینگ جوُغاپکأرچیلیگیمیزدیر. یوردومیزا و میللتیمیزا بوُرجومیزدیر. بو مسئله هر یوردونگ و هر میللتینگ مشروع حاقیدیر" دیدی.

فزر بوُلسا "تۆرکیه دأکی ترورچیلیقلی هۆجۆملرده آرادان چیقانلارینگ باردیغینی" یاتلاتدی و

"بو سبأپلی قینانجیمیزی و دویغوداشلیغیمیزی بیلدیردیم. تۆرکیه بیلن موندان سوُنگرا دا تۆرکیه بیلن بو مسئله بارادا جبیسلیک ایچرسینده ایشلشجِکدیگیمیزی بیلدیردیم" دیدی.