أردوُغان: طبیغی گاز مرکزینی قورماق اۆچین ایشه باشلادیق
تۆرک یوُلباشچی قازاغیستان ساپاریندان قایدیان ماحالی اوچاردا ژورنالیستلارینگ سوُراغلارینا جوُغاپ بردی
تۆرکیأنینگ جمهورباشلیغی رجب طیب أردوُغان روسیانینگ دؤولت یوُلباشچیسی ولادیمیر پوتین ینگ تۆرکیه ده بیر طبیغی گاز مرکزی نینگ قورالماغی باراسینداقی تکلیبی حاقیندا،
"انرژی و طبیغی سریشده لر وزیرلیگیمیزه و روسیانینگ دگیشلی قوراماسینا مسئله بارادا ایشله‌شمه‌گی اۆچین حوُرماتلی پوتین بیلن بیله لیکده پرمان بردیک" دیدی.
تۆرک یوُلباشچی قازاغیستان ساپاریندان قایدیان ماحالی اوچاردا ژورنالیستلارینگ سوُراغلارینا جوُغاپ بردی.
أردوُغان پوتین ینگ طبیغی گاز مسئله سی حاقینداقی سؤزلری بارادا شیله بیانات بردی:
"طبیغی گاز پایلانما مرکزی حؤکمۆنده تۆرکیأنینگ تراکیا بؤله‌گی اینگ أهمیتلی یر گؤرۆلیأر. انرژی وزیرلیگی ایش آلیپ بارار. اینگ میناسیپ یر نیره بوُلسا شوُل یرده ایش باشلار. بیزینگ طبیغی گاز برمه ک باراسیندا میللی قورامامیز بار اِمما بو مرکز حالقارا بوُلار. بیز ایشی گیجیکدیرمه‌ریس. شو گۆن انرژی و طبیغی سریشده لر وزیریمیزه آیتدیق. روسیاننیگ گازپروم شرکتی نینگ باشلیغی میلر ده ماصلاحاتدادی. اوُل دا ایشه باشلار"
أردوُغان حوُوپسوزلیق مسئله سی حاقیندا دا ایش آلیپ باریاندیقلارینی سؤزلرینه قوُشدی.
