پوتین بیلن أردوُغان تلفن آرقالی دوشوشیار

تۆرکیأنینگ جمهورباشلیغی رجب طیب أردوُغان شو آغشام روسیانینگ یوُلباشچیسی ولادیمیر پوتین بیلن تلفن آرقالی دوشوشیق گچیرجکدیگینی حابار بردی.

أردوُغان پایتاغت آنکاراد برن بیاناتیندا، شو واغت اوروپانینگ اینگ اولی گۆن ترتیبی نینگ قیش آیلارینی اینگ آز قینچیلیق بیلن گچیرمه‌ک بوُلاندیغینی نیغتادی.

تۆرکیأنینگ جمهورباشلیغی "اوروپا یورتلاری شو واغت بیز نأمه اتمه لی، بو قیشی نأحیللی گچیرریس دییپ اوُیلانیار اِمما تۆرکیأنینگ شیله قینچیلیغی بار می؟ یوُق" دیدی.

تۆرکیأنینگ بو قین دؤورده راحات یاغدایدا بوُلاندیغینی آیدان رجب طیب أردوُغان "ان شاءالله شو آغشام حوُرماتلی پوتین بیلن دوشوشاریس. اوکراینا بیلن باغلانشیقلی قینچیلیقلار باراسیندا گپله‌شمأگه پورصاتیمیز بوُلجاق. عاداتدان داشغاری بیر یاغدای بوُلماسا بیز قیش آیلارینی دۆنیأنینگ کؤپ یوردوندان راحات گچیرریس. تۆرکیأنینگ ایقدیصادی مدلی نینگ قوُشاندی بیلن گۆیچلی یاغدایدا بو دؤوۆردن گچریس" دیدی.