أردوُغان سوچی دا پوتین بیلن دوشوشدی

تۆرکیأنینگ جمهورباشلیغی رجب طیب أردوُغان گۆنۆبیرلیک ساپار بیلن روسیانینگ سوچی شهرینه باردی.

ایش ساپاری بیلن سوچی ده بوُلان أردوُغان بو یرده روسیانینگ جمهورباشلیغی ولادیمیر پوتین بیلن دوشوشیق گچیردی.

أردوُغان بو دوشوشیقدا، تهران ساپاریندان 17 گۆن سونگرا یانگاداندان دوشوشاندیقلارینا حوُشاللیق بیلدیردی.

ایکی یوردونگ تۆرکیه دأکی توُپارآرا دوشوشیقلاری نینگ بأحبیتلی گچندیگینی آیدان أردوُغان، "سیاسی، ایقدیصادی و سؤودا موپداقلاریندا کؤپ اوغورلی مسئله لر حاقیندا گنگه شیلدی و تۆرکیه بیلن روسیانینگ قاتناشیقلاریندا اؤرأن اۆیتگه‌شیک بیر صاحیپانینگ آچیلجاقدیغینا اینانیارین. هم انرژی ده هم قارادنگیز حاطی نینگ اکرانچیلیق و غاللا مسئله سینده أدیلن أدیملر، سیاحاتچیلیق مسئله سیندأکی دوشوشیقلار، قاتناو بیلن باغلانشیقلی ایشلر و بؤلگه دأکی ادیلن ایشلر تۆرکیه و روسیانینگ بؤلگه دأکی أهمیتینی گؤرکِزیأر" دیدی.

تۆرک یوُلباشچی ترورچیلیق بیلن گؤره ش مسئله سینده ده ایکی تاراپینگ بیله لیکده أدیم اتمه‌گی نینگ أهمیتینه اۆنس چکدی.

روسیانینگ یوُلباشچیسی دا "تۆرکیه بیلن روسیا، سوریه ده یاغدایینگ عاداتی گؤرنۆشینه اؤورۆلمه‌گینه اولی قوُشانت قوُشیار" دیدی.

پوتین أردوُغانا غاللا مسئله سینده ادن تاغاللاسی سبأپلی ده مینتدارلیق بیلدیردی.