أردوُغان پوتین بیلن دوشوشدی

تۆرکیأنینگ جمهورباشلیغی رجب طیب أردوُغان تلفن آرقالی روسیانینگ یوُلباشچیسی ولادیمیر پوتین بیلن دوشوشیق گچیردی.

أردوُغان بو دوشوشیقدا روسیا- اوکراینا آراسینداقی مذاکره لرده اولی أهمیته ایه بوُلجاق ایستامبول اتابی نینگ یوُلباشچیلاری نینگ دوشوشیغی باراسینداقی تکلیبینی قایتالادی.

ایکی یوُلباشچی، 24-نجی فورالدان بأری دوُوام ادن روسیا- اوکراینا ساواشینداقی سوُنگقی یاغدایلار و تۆرکیه بیلن روسیانینگ آراقاتناشیقلاری حاقیندا گپله‌شدی.

أردوُغان پاراحاتچیلیغا دوُغری گیدن یوُلونگ آچیلماغی اۆچین ایستامبول دوشوشیقلاریندا یتیلن قوُوی سپگیدینگ دوُوام اتمه گی نینگ هممه تاراپلارینگ بأحبیدینه بوُلجاقدیغینی آیتدی.

روسیا بیلن اوکراینا آراسینداقی اوُد آچیلشیغا بس اولغامی، انسانی کریدورینگ آچیلماغی و حالقینگ شهرلردن حوُوپسوز یاغدایدا چیقاریلماغی نینگ أهمیتینه اۆنس چکن أردوُغان، هممه تاراپلارا ضلل برن بو مسئلأنینگ دوروزیلماغی و همیشه لیک بیر پاراحاتچیلیغینگ دۆیبۆنینگ توتولماغی اۆچین تۆرکیأنینگ الیندن گلن ایشینی اتمأگه دوُوام اتجکدیگینه اۆنس چکدی.