أردوُغان پوتین بیلن دوشوشدی

تۆرکیأنینگ جمهورباشلیغی رجب طیب أردوُغان روسیانینگ دؤولت یوُلباشچیسی ولادیمیر پوتین بیلن دوشوشدی.

تلفن آرقالی دوشوشیقدا روسیا بیلن اوکراینانینگ دؤولت توُپارلاری نینگ سه شنبه گۆنی ایستامبول دا گچیرن ماصلاحاتی حاقیندا گۆررۆنگ ادیلدی.

أردوُغان بو دوشوشیقدا روسیا بیلن اوکراینانینگ ایستامبول داقی ماصلاحاتی نینگ اساسلاندیریجی گچمه گی نینگ پاراحاتچیلیق اۆچین اومیت بوُلاندیغینی بیلدیردی.

تاراپلارینگ، ساغدین حرکت اتمه گی نینگ و دیالوگا دوُوام اتدیریلمه گی نینگ أهمیتلی بوُلاندیغینی آیدان أردوُغان، روسیانینگ دؤولت یوُلباشچیسی ولادیمیر پوتین بیلن اوکراینانینگ دؤولت یوُلباشچیسی ولودیمیر زلنسکی نی دوشوشدیریپ، پاراحاتچیلیق اۆچین آلیپ باریان ایشلرینی اینگ یوُقاری یاغدایا گتیرمه ک ایسله یأندیکلرینی آیتدی.

روسیانینگ یوُلباشچیسی ولادیمیر پوتین دا، روسیا- اوکراینا مذاکره توُپاری نینگ ایستامبول دا دوشوشماغینا یر ایه چیلیگی سبأپلی تۆرکیأنینگ جمهورباشلیغی رجب طیب أردوُغانا ساغ بوُلسون آیتدی.