أردوُغان 15-نجی ایول باراسیندا بیانات بردی
تۆرکیأنینگ جمهورباشلیغی نینگ مؤهۆم سؤزلری
تۆرکیأنینگ جمهورباشلیغی رجب طیب أردوُغان 15-نجی ایول آغدارلیشیغا سینانشیغی ینگ جریمه سینی بۆتین حیاناتچیلاردان سوُرایاندیقلارینی و سوُراماغا دوُوام اتجکدیکلرینی آیتدی.
أردوُغان 15-نجی ایول دموکراسی و میللی جبیسلیک گۆنی میناسیبتلی برن بیاناتیندا،
"بو حیاناتچیلیغینگ حاسابینی، توسساغ ادنیمیز بۆتین حایینلارا سوُرادیق و سوُراماغا دوُوام ادریس" دیدی.
تۆرکیأ و تۆرک میللتینه ادیلن بو حیاناتچیلیغینگ اونوتیلماجاقدیغینا اۆنس چکن أردوُغان،
"نسیللر بوُیونچا میللتیمیزینگ هر بیر یاشاییجیسی، شیله سی گؤرۆلمه دیک حیاناتی یاتلاندا، قاراشسیزلیق و گلجگیمیزه موندان دا یوُقاری شکیلده باغلانجاقدیر. بو آغدارلیشیغا سینانشیق، تاریحیمیزداقی یرینی بیر عبرت حؤکمۆنده آلاندیر" دیدی.
دۆرلی گؤرنۆشدأکی ترور قورامالاری نینگ اۆستی بیلن قورنالان سناریولارینگ ماقصادی نینگ تۆرکیأنی دیزا گتیرمه ک، تۆرک میللتینی یسیر اتمه ک، توُپراقلاری تالان اتمه ک بوُلاندیغینی آیدان أردوُغان، ترور قورامالارینی اولانیپ توُپراقلاریمیزی تهدیت ادنلرینگ بو ادن ایشلری بیلن آصلیندا دوُغانلیغیمیزی گۆیچلندیرندیگینی دۆشۆنمأندیگینی آیتدی.
أردوُغان،
"گچمیشده باشاریپ بیلمه دیلر، شو گۆنکی گۆنده ده باشاریپ بیلمه دیلر، گلجکده ده ان شاءالله باشاریپ بیلمِزلر، اولی و گۆیچلی تۆرکیأنینگ قورلوشیغینا پأسگل بریپ بیلمِزلر. ربّیم بیزه ینه بیر گِزه ک 15-نجی ایولا منگزه ش حیاناتچیلیغی یاشاتماسین" دیدی.
