أردوُغان مکرون ینگ سؤزلرینه برک قارشیلیق گؤرکِزدی
"جناپ مکرون، سنینگ تاریح حاقیندا هیچ حیلی ماغلوماتینگ یوُق. سن فرانسیانینگ تاریحینی هم بیلمهیأرسینگ"
تۆرکیأنینگ جمهورباشلیغی رجب طیب أردوُغان گؤره شلری نینگ یورت و یوردونگ گلجگی اۆچین ادیلیأن گؤره ش بوُلاندیغینی آیتدی.
أردوُغان عادالات و اؤسۆش پارتیاسی نینگ (آق پارتی نینگ) ایستامبول 100 مۆنگ تأزه آغضا پروگرامماسیندا چیقیش اتدی.
"تۆرکیأنی ترورچیلیق، باسیش، ایقدیصادی حمله لر بیلن نیشان آلانلارینگ ماقصادی نینگ، اؤزلرینی آبرایلی و توتان یرلی توتومیندان دؤندۆرمه ک بوُلاندیغینی" آیدان أردوُغان،
"بولارینگ دردی نه آق پارتیدیر، نه ده طیب أردوغان دیر. بولارینگ دردی میللتیمیزینگ اؤزینی نیشان آلماقدیر. بولارینگ دردی، تۆرکیأنینگ توُپراغیندان دؤولتینه چنلی تۆرکیأنینگ بار بوُلانلیغی بیلن دیر. آق پارتی و طیب أردوُغان اۆستی بیلن تۆرکیأنی اؤز اللرینه گچیرمه ک و تۆرکیأنی دیز چؤکدۆرمه ک اۆچین هر یوُلدان گیریأرلر" دیدی.
تۆرکیأنینگ جمهورباشلیغی رجب طیب أردوُغان فرانسیانینگ جمهورباشلیغی امانوئل مکرونا دا برک قارشیلیق گؤرکِزدی.
رجب طیب أردوُغان فرانسیانینگ جمهورباشلیغی امانوئل مکرون ینگ "بیزینگ مسئلأمیز تۆرک میللتی بیلن دأل، بیزینگ مسئلأمیز أردوُغان بیلن دیر. أردوُغانی دۆشۆرمه ک گرهکلیدیر" دیه نینی یاتلاتدی و
"ای مکرون، سنینگ وظیپأنگ تاماملانماغینا آز قالدی. سن گیدیجی، من سانگا بیرنأچه ییل اوُزال نأمه آیدیپدیم؟ بیر تلفن آرقالی دوشوشیغیمیزدا؛ گؤزله، سنینگ هیچ تاریحی ماغلوماتینگ یوُق، ایلکی بیلن تاریح اؤوره ن دییپدیم و تۆرکیأ تاریح ساپاغینی برمه دییپ آیدیپدیم. بیز سیزی الجزایردن تانایاریس. بیر میلیون الجزایرلینی سیز اؤلدۆردینگیز، 800 مۆنگ رواندالی نی سیز اؤلدۆردینگیز. بیز سیزی لیبی دن تانایاریس. یۆزمۆنگلرچه لیبی رایاتینی سیز اؤلدۆردینگیز. بیزه انسانلیق و آدامکأرلیک ساپاغینی بریپ بیلمهرسینگیز. بیز عثمانلی حؤکمۆنده شوُل یرلره بارانیمیزدا پاراحاتچیلیق گتیردیک، آدامکأرچیلیگ یتیردیک. ایلکی بیلن مونی اؤوره ن. اوُل آدام مونی قابول ادیپ بیلمه یأر، شونونگ اۆچین دأرلییأر" دیدی.
أردوُغان، دموکراسی و ارکینلیکلر آداسیندا گچیریلن سمپوزیوم دا ادن چیقیشیندا دا
"جناپ مکرون، سنینگ تاریح حاقیندا هیچ حیلی ماغلوماتینگ یوُق. سن فرانسیانینگ تاریحینی دا بیلمه یأرسینگ" دیدی.
آیدان سؤزلرینده یونانا هم یۆزلهنِن أردوُغان "ای یونان، سن یری گلنده قوُنگشی، یاناشیق دییأرسینگ، اگر شیله بوُلسا قوُنگشیچیلیق قاتناشیقلارینا لاییقلیقدا حرکت اد و یالنگیش یوُللارا گیرمه، یوُغسام یالنگیز قالارسینگ" دییپ بِلله دی.
پرزیدنت أردوُغان تۆرکیأنینگ اؤز- اؤزۆنی دوُلاندیریپ بیلجک گۆیجه ایه دیگینه ده اۆنس چکدی.
دِگیشلی حابارلار
أردوُغان تأزه ایلچیلری قابول اتدی
تۆرکیأنینگ جمهورباشلیغی رجب طیب أردوُغان برونئی، سومالی و اسپانیانینگ تأزه ایلچیلرینی قابول اتدی