یونان ینگ بۇسغون اؤلدۆرمه‌گی یازغاریلدی

تۆرکیأنینگ ایچری ایشلر وزیری سلیمان سۇیلو یونان ینگ پلیس گۆیجۆنینگ ادیرنه ولایاتی نینگ پازارکۆله سرحدینده بیر بۇسغونی اؤلدۆریپ ۵-ینی یارالاماغینی یازغاردی و

"بولارینگ میلیوندا بیرینی تۆرکیه ادسه هم اوروپا هم ده اوروپانینگ تۆرکیه دأکی ایشگأرلری اعتراض ادردی" دیدی.

سویلو توییتر حاسابیندان برن بیاناتیندا یونان ینگ حۇوپسوزلیق گۆیچلری تاراپیندان بیر بۇسغونینگ اؤلدۆریلمه گینی، ۵-ی نینگ یارالاماغینی یاتلاتدی و یونان ینگ حالقارا قادا دۆزگۆنلری باسغیلاپ انسان حاقلارینا أسگِرمِزچیلیک ادیأندیگینی آیتدی.

تۆرک وزیر یونان ینگ بیر آی بۇیونچا بۇسغونچیلیق طالاپلارینی دوروزماغینی دا تانقیت اتدی و

"بیرلشن میللتلرینگ بۇسغونلار یۇقاری کمیساریاسی تاراپیندان بریلن ماغلوماتا گؤرد نه ۱۹۵۱ ژنو ایلالاشیغی و نه اوروپا بیله له شیگی نینگ بۇسغون قانونلارینا گؤرأ بیله بیر زات بۇلوپ بیلمه‌ز. اوتانچ برن بو قارار حقوغا باپ گلمه یأر " دیدی.

تۆرکیأنینگ ایچری ایشلر وزیری تۆرکیه دن یونانا گچن بۇسغونلارینگ سانی نینگ دا ۱۳۵ مۆنگ ۸۴۴ آداما یتندیگینی آیتدی.