الازیغ داقی یر تیتره مه سینده آرادان چیقانلارینگ سانی ۳۹ آداما یتدی

تۆرکیأنینگ الازیغ ولایاتینداقی یر تیتره مه سینده آرادان چیقانلارینگ سانی ۳۹ آداما یتدی.

یر تیتره مه سی آننا گۆنی ساغات ۲۰.۵۵-ده بۇلوپدی.

واقادان سۇنگرا بارلاغ حالاص ادیش تۇپارلاری ایزی گیدرلی یاغدایدا تاغاللالارینا دۇوام ادیأر.

عاداتدان داشغاری واقالار قوراماسی آفاد بجرگی آلیان ۱۶۰۷ آدامدان ۱۵۱۵-ی نینگ کسلحانالاردان چیقاندیغینی بیلدیردی.

آفاد یر تیتره مه سی بۇلان یرلره ۲۳ مۆنگ ۵۰۷ ماشغالا چادئری، ۴۰۰ عمومی ماقصاتلی چادئر، ۲ مۆنگ ۳۵۴ یئلادئش انجامی و ۶ مۆنگ ۴۳۶ پاکت ایمیت ایبردی.

ایچری ایشلر وزیری سلیمان سۇیلو، ساغلیغی ساقلاییش وزیری فخرالدین قۇجا، داشقی قورشاو و شهرچیلیک وزیری مراد قوروم و دیانت ایشلری اداراسی نینگ باشلیغی علی أرباش یر تیتره مه سی نینگ بۇلان یرینه باردی.

بیله کی تاراپدان جمهوریت حالق پارتیاسی (حزبی) نینگ باشلیغی کمال قیلیچدار اۇغلی دا الازیق دا بۇلان یر تیتره مه سیندن سۇنگراقی جبیسلیگه حۇشاللیق بیلدیردی.

جمهوریت حالق پارتیاسی نینگ باشلیغی،

"تۆرک حالقی طۇیدا و یاسدا بیله لیکده و جبیس بۇلاندیقلارینی ینه بیر گِزه‌ک گؤرکِزدی" دیدی.

ایی پارتیاسی نینگ باشلیغی مرال آق شنر ده الازیغ دا بۇلدی.

مرال آق شنر آرادان چیقانلارینگ ماشغالالارینا دویغوداشلیق بیلدیردی و

"بیله لیکده بو یارالاری درمان ادریس" دیدی.