تۆرکیأنینگ مجلیسی لیبی باراسینداقی قاراری قابول اتدی

بو تکلیپ تۆرکیأنینگ جمهورباشلیغی تاراپیندان مجلیسه ایبریلیپدی

لیبی نینگ قانونی حؤکۆمتی نینگ ایسله‌گی بیلن تۆرکیأنینگ بو یوردا عسگر ایبرمه‌گی باراسینداقی تۆرکیأنینگ جمهورباشلیغی نینگ مجلیسه ایبرن قاراری تۆرکیأنینگ بیک میللت مجلیسی تاراپیندان قابول ادیلدی.

مجلیسینگ باشلیغی مصطفی شن توپ ینگ باش توتانلیغینداقی ماصلاحاتدا ایلکی بیلن بو تکلیپ باراسیندا بیانات بریلدی.

سونگرا 509 مجلیس وکیلی نینگ قاتناشماغیندا بو قارارا سس بریلدی.

الکترونیک گؤرنۆشده بولان سس بریلشیکده 325 مجلیس وکیلی بو قارارا قولداو بردی، 184 وکیل ده بو قاراری قابول اتمه دی.

شیله لیک بیلن تۆرکیأنینگ حؤکۆمتینه، لیبی -ِه عسگر ایبرمه‌گی بارادا ایغتیار بریلدی.

تۆرکیأنینگ یاراغلی گۆیچلری نینگ لیبی ده وظیپه سینی آلیپ بارماغی نینگ مؤهلِدی بیر ییل.

لیبی-ِه ایبریلجک تۆرک عسگرلری نینگ سانی و نیره ده ایش آلیپ بارجاغی تۆرکیأنینگ جمهورباشلیغی رجب طیب أردوُغان تاراپیندان بِللی ادیلر.