چاووش اۇغلی ی. پ. گ/ پ. ک. ک و حۇوپسوز بؤلگه بیلن باغلی بیانات بردی
تۆرکیأنینگ داشاری ایشلر وزیری: ترورچیلارینگ سؤزلرینه اینانمایاریس
تۆرکیأنینگ داشاری ایشلر وزیری مولود چاووش اوغلی، روسیانینگ ی. پ. گ/ پ. ک. ک قوراماسینا آغضا ترورچیلارینگ سوریه ده حۇوپسوز بؤلگه دن چکیلِندیگی بیلن باغلی بیاناتینا اینانماغا مجبوردیقلارینی، اِمما ترورچیلارا اینانمایاندیقلارینی حابار بردی.
مولود چاووش اوغلی، سوئیس ینگ ژنو شهرینده روسیانینگ داشاری ایشلر وزیری سرگئی لاوروف و ایران ینگ داشاری ایشلر وزیری محمدجواد ظریف بیلن گچیرن دوشوشیغیندان سۇنگ مطبوغات ییغناغینی گچیردی.
چاووش اۇغلی اساسی مسئله لری نینگ سوریه دأکی دارتغینلیغینگ، بیرلشن میللتلر قوراماسی نینگ حۇوپسوزلیق گنگه شی نینگ ۲۲۵۴ بلگیلی قاراری نینگ چأگینده، سوریه لیلرینگ ایه چیقجاق بیر اِتابینگ ایچینده تاماملاماقدیغینی بیلدیردی.
چاووش اۇغلی سوریأنینگ اساسی قانون کمیته سی نینگ شو گۆن ایشله مأگه باشلاجاقدیغینی، شۇل سبأپلی آستانا فۇرماتی نینگ ینه ده بیر گزه ک تأثیرلی بیر حالقارا چأره دیگینی ثبوت ادندیگینی بیان اتدی.
ی. پ. گ/ پ. ک. ک ترور قوراماسینا آغضا ترورچیلارینگ حۇوپسوز بؤلگه دن چکیلمه کلری اۆچین آمریکا و روسیا بیلن قازانیلان ایلالاشیقلار بیلن باغلی سۇراغا چاووش اۇغلی، روسیانینگ ی. پ. گ نینگ اۇل یردن چکیلندیگینی آیداندیغینی بِللأپ، "روسیالی حیذماتداشلاریمیزا اینانماغا مجبوردیرس، اِمما ترورچیلارا اینانمایاریس. سوریه ده حۇپسوز زۇلاقدا ی. پ. گ/ پ. ک. ک نینگ ترورچیلارینی گؤرسهک اۇلاری یۇق اتمهکدِه ایکیرجینلهمهریس" دییپ نیغتادی.
دِگیشلی حابارلار
أردوُغان قازاغیستان ینگ باش وزیرینی قابول اتدی
تۆرکیأنینگ جمهورباشلیغی رجب طیب أردوُغان قازاغیستان ینگ باش وزیری اولجاس بکتنوف بیلن دوشوشدی
الیسا فریرا: تۆرکیه بیلن اوروپا بیله له شیگی نینگ قاتناشیقلاری یوُقارلامالیدیر
الیسا فریرا غازی آنتپ ولایاتی نینگ حأکیمی کمال چبر و شهر حأکیمی فاطما شاهین بیلن دوشوشدی