پنتاگون: تۆرکیه استراتژیک شأریگیمیزدیر

آمریکانینگ قۇرانماق وزیرلیگی نینگ (پنتاگون) گِنگه‌شچیسی الن لرد تۆرکیأنینگ اف- ۳۵ ساواش اوچارلاری تاسلاماسیندان چیقاریلماغی باراسیندا "تۆرکیه بیر حیذماتداشیمیزدیر. بیزینگ اۆچین استراتژیک بیر اۇرتاقدیر. شول سبأپلی همیشه دیالوگا دۇوام ادیأریس" دیدی.

پنتاگون دا آمریکانینگ حاربی لجستیک آلوولاری بارادا مطبوغات گنگه شینی گچیرن لرد، تۆرکیه بیله اف- ۳۵ باراسینداقی سۇراغلارا دا جۇغاپ بردی.

تۆرکیأنینگ اف- ۳۵ تاسلاماسیندا اؤندۆریأن ۹۰۰ اؤنۆمی ایلکی بیلن آمریکادا اؤندۆرجکدیکلرینی آیدان لرد، تۆرک شرکتلری نینگ مارت ۲۰۲۰-ِه چنلی اف- ۳۵ اۆچین اؤنۆم اؤندۆرمأگه دۇوام اتجکدیگینی بیلدیردی.

لرد، تۆرکیأ دِگیشلی بۇلان اف- ۳۵-لرینگ هنیزم لوک هۇوا مرکزینده بۇلاندیغینی یاتلادیپ شۇل اوچارلارینگ اوقیبی باراسیندا "دۆرلی پلانلارا قارایاریس" دیدی.

لرد تۆرکیه اۆچین اف- ۳۵ بیلن بیله کی مسئله لره آیراتین قارایاندیقلارینی یاتلادیپ،

"اس- ۴۰۰ بیلن اف- ۳۵ بیری بیری بیلن باغلانشیقسیز. تۆرکیه بیر حیذماتداشیمیزدیر. بیزینگ استراتژیک اۇرتاغیمیزدیر. شونونگ اۆچین تۆرکیه بیلن گِنگهِ‌شمأگه همیشه دۇوام ادیأریس" دیدی.