تۆرکیه، روسیا و ایران ینگ یۇلباشچیلاری دوشوشیق گچیرر

تۆرکیه، ایران و روسی اینه بیر گِزه‌ک سوریه باراسیندا دوشوشیق گچیرر.

تۆرکیأنینگ جمهورباشلیغی رجب طیب أردۇغان ایستامبول دا جومغا نامازیندان سۇنگرا برن بیاناتیندا سوریه دأکی سۇنگقی واقالار باراسیندا سۇرالان سۇراغا آگوست ینگ آحیریندا یا دا سنتیابر آیی نینگ باشیندا اۆچ تاراپلی دوشوشیق گچیریلجکدیگینی آیتدی.

ماصلاحاتدا باشدا ادلب بۇلماق بیلن بو مسئله لر باراسیندا نأمه ایش آلینیپ باریلجاقدیغی نینگ گنگه شیلجکدیگینی آیدان أردۇغان، شو واغت ادلب بیلن باغلانشیقلی ایلایتا دا روسیا و تۆرکیأنینگ الیندن گلن ایشی ادیأندیکلرینی آیتدی.

تۆرکیأنینگ جمهورباشلیغی بو مسئله دن آیراتین دا سوریه ده آمریکا بیلن باغلانشیقلی نأچه یرده اۇلار بیلن ده داشاری ایشلر وزیرلیکلری تاراپیندان دوشوشیق گچیریلیأندیگینی یاتلاتدی.

تۆرکیأنینگ جمهورباشلیق دیوانی نینگ مطبوغات گنگه شچیسی ابراهیم قالی ندا دۆین کابینه ماصلاحاتیندان سۇنگرا برن بیاناتیندا تۆرکیه، ایران و روسیانینگ آراسیندا آگوست آییندا اۆچ تاراپلی ماصلاحاتینگ گچیریلجکدیگینی آیدیپدی.