تۆرک زنانالار بیلیم و تکنولوژی‌دا اوروپادان اؤنگه گچدی

اوروپا حاسابات قوراماسی (یورواستات) تأزه چاپ ادن ماغلوماتیندا ۲۰۱۷-نجی ییلدا تۆرکیأنینگ بیلیم، تکنولوژی، ساغلیغی قۇراییش، مهندسلیک و بارلاغ و اؤسدۆریش پوداقلارینا زنانالارینگ پایی نینگ ۴۶ گؤتریمه یتندیگی بیلدیریلیأر.

بو موقدار اوروپا بیله له شیگینه آغضا یورتلاریندا اۇرتاچا ۴۱ گؤتریم.

شیله لیک بیلن تۆرکیأنینگ زنانالاری بو پوداقلاردا آلمانیا، فرانسیا و انگلستان ینگ اؤنگۆنه گچدی.

اوروپادا بیلیم یورتلاری نینگ زنانا باشلیقلاری نینگ بیله له شیگی نینگ باشلیغی پروفسور دکتر گۆلسۆن ساغلام‌أر، مسئله بیلن باغلانشیقلی شیله دیدی:

"بیز بو مسئله لرده اوروپانینگ کؤپ یوردونینگ اؤنگۆنه گچدیک. دینگه تۆرکیه ده دأل، میثال اۆچین آمریکادا و کؤپ سانلی یورتلارینگ بیلیم یورتلاری نینگ مهندسلیک بؤلۆکلرینده تۆرکیه دن کؤپ سانلی قیزیمیز اۇقایار. اوروپا بو مسئله ده ایزا قالاندیغینی بیلیأر و چؤزگۆت دؤرِه‌تمأگه سینانشیار"

ایستامبول داقی اؤزیِگین بیلیم یوردونینگ باشلیغی پروفسور دکتر اسرا گنچ تۆرک ده،

"تۆرکیه ده شو گۆنکی گۆنده زنانا اوسساتلار و موغاللیملارینگ اِرکِکلره گؤرأ سانی ۴۵ گؤتریم. سۇنگقی ۳۰ ییلدا بیلیم یورتلاریندا زنانا موغاللیملارینگ سانی ۵۰ گؤتریم یۇقارلادی. بو سان اوروپا یورتلاری نینگ اۇرتاچا سانی نینگ اۆستۆنده دیر" دیدی.