سلطان عبدالحمید خان‌دان گۆنۆمیزه یتیپ گلن مسئله لر

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقایارسینگیز

سلطان عبدالحمید خان‌دان گۆنۆمیزه یتیپ گلن مسئله لر

ایکینجی سلطان عبدالحمید ۱۹۱۸-نجی ییلینگ ۱۰-نجی فِورال‌یندا آرادان چیقدی. بو هپده آرادان چیقماغی نینگ ۱۰۱-نجی ییللیغی. تاریح دینگه گچن گۆنلردن عیبارات دألدیر. تاریح گلجگینگ ایشیغی حؤکمۆنده‌دیر. شۇل سبأپلی تاریحا اؤوگۆلی سؤزلر یا دا اربِت قاراییشلار بیلن قارالمالی دأل، ایسه‌م تاریحی گلجِک باراسیندا بریپ بیلجک پند تایدان گؤرمه‌لیدرس. محمت عاکیف ینگ آیدیشی یالی تاریح یانگاداندان قایتالانان یاغدای دییپ آیدیلیار.

تاریحدان پند آلینسا یانگداندان قایتالاناردی می؟ بو گؤزیتیم بیلن گؤزلأنگده سلطان عبدالحمید و اۇنونگ دؤوری باراسیندا اۇیلانماق شو گۆنۆمیزی دۆشۆندیری بیلر و بِلکی ده بو دؤوۆر یاقین تاریحیمیزینگ اینگ مؤهۆم دؤورۆدیر.

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ بو مسئله باراداقی قاراییشینی اۇقایارسینگیز

 

هیچ شک یۇقدیر کی شۇل دؤوۆردأکی اؤسۆش تاغاللالاری، قورالان اۇقووجایلاری، یۇللار، اوزاق یرلر بیلن قورالان قاتناشیقلار، گلوبال دنگ آغراملی سیاسات یالی کؤپ سانلی آیدیلجاق زات باردیر. من بیر نأچه مسئله باراسیندا یازامدان سۇنگ، اساسان دا شۇل دؤوۆردأکی قینچیلیقلارا اۆنس چکیپ شو گۆنکی گۆنه چنلی گلن مسئله لر بارادا یازماق ایسله یأرین.

سلطان عبدالحمیدینگ بۆتین ماقصات مرادی، پارچالانیپ باریان اولی بیر امپراتورلیغی، دؤورۆنگ امپریال گۆیچلری آراسیندا دنگ آغراملی سیاسات یؤره‌دیپ آیاقدا دوروزماق بۇلوپ بیلر. اۇل بۆتین یاشاییشی بۇیونچا "کِسِللأن آدام" دییپ گؤرۆلیأن عثمانلی دؤولتینی یاشاتماق اۆچین داشاری گۆیچلر و بو گۆیچلر بیلن ایشله‌شِن ایچرکی گۆیچلر بیلن اورشدی. شۇل سبأپلی کؤپ سانلی چاقنیشیغا سزه ور بۇلدی. اۇنی استبداد بیلن عاییپلایان اتحاد و ترقی نینگ دۇلانشیغی اِله آلاندان سۇنگرا سلطان عبدالحمیددن کؤپ باسیش ادندیگی مألیمدیر. اؤز دؤورۆنده بۇلان انگلستان ینگ قۇلداوی بیلن صهیونیست یهودیلرینگ عثمانلی تۇپراغیندا بیر اسرائیل دؤولتینی قوراماق باراداقی تاغاللالارینا دا اۆنس چکیلمه‌لی.کاتیب چلبی، دؤولتلری ابن خلدون یالی آدامزادا منگزه‌دِر. دؤولتلرینگ ده چاغالیق، یاشلیق و یاش‌اولیلیق دؤورلری بار. کاتیب چلبی نینگ آیدیشینا گؤرأ عثمانلی دؤولتی کؤپ واغت اۇزال چاغالیق، یاشلیق و اولولیق دؤورۆنی گچیریپدیر، قارریلیق دؤورۆنه باشلاپدیر. لوقمانلار نأحیللی کِسِل آدامینگ یاشاییشینی اوزادیپ بیلیأن بۇلسا، دؤولتلر ده عالیم و تجریبه لی آداملارینگ الینده، مجبورلیقدان اۇرتا چیقان مسئله لری ایزا قایتاریپ بیلیأر. شول سبأپلی عثمانلی دؤولتی نینگ دۇلانشیغی کاتیب چلبی نینگ آیدیشی یالی پاراساتلی بیری بۇلان (صاحب السیفه) تابشیریلمالیدیر.

سلطان عبدالحمید، کاتیب چلبی نینگ آیدیشی یالی بو پاراساتلی آدام و صاحب السیف دییپ بیلینر. اِمما زامانا اۆیتگِه‌مأگه باشلان واغتی. امپراتورلیق دؤوری قوتارماغا باشلاپدی. ۲۰-نجی عاصرینگ باشیندا تاریح صاحناسی بیلن حۇشلاشان دینگه عثمانلی دؤولتی دألدی. روس امپراتورلیغی و اتریش مجاریستان امپراتورلیغی دا ۱-نجی جاهان اورشی بیلن بیله لیکده تاریح صاحناسیندان چیقدی. دؤورۆنگ اینگ گۆیچلی بۇلان انگلیس امپراتورلیغی نینگ بۇلسا ۲-نجی جاهان اورشونینگ آحیریندا عؤمرۆنینگ آخیرینا گلدی دییپ بیلریس.

شو گۆنه یتیپ گلن مسئله لر

سلطان عبدالحمیددن شو گۆنه یتن مسئله لر باراسیندا آیتجاق بۇلساق اینگ اساسی مسئله اۇنونگ گلوبال درجه ده قوران قاتناشیقلاری و دۆنیأ مسلمانلارینا بۇلان اۆنسی دییپ بیلریس. شول سبأپلی ژاپن دان حیتایا، آفریقادان یاقین گۆن دۇغارا و اوروپاداقی کؤپ یرده عبدالحمید ینگ قالان ایزلارینی و قاتناشیقلارینی گؤرمه‌ک مۆمکیندیر. عثمانلی پادشاهلاری نینگ آراسیندا بۆتین اِل یترسیزلیکلره قارامازدان گینگ گریمده اؤزۆندن اینگ کؤپ اثر قالدیران آدام عبدالحمیددیر دییپ بیلریس.

سلطان عبدالحمید یۇقارلان دؤورۆنگ پادشاهی بۇلمادیغی اۆچین، دؤولتی قۇراماق اۆچین ادن کؤپ سانلی تاغاللاسی شو گۆنکی گۆنۆمیزه چنلی یتدی.

عبدالحمیدینگ بیر آغدارلیشیق بیلن تاغتدان دۆشۆریلمه‌گی نینگ نتیجه سینه قارالاندا، شۇل دؤوره چنلی نتیجه آلینان آغدارلیشیغینگ اینگ یۇقاری درجه سی شۇل آغدارلیشیقدیر دییپ بیلینِر. آغدارلیشیغینگ اساسلاندیریجیلاریندان اتحادچیلارینگ بو آغدارلیشیقچی دأپ دِسسورلاری، حریت و ائتلاف داقی مندرس و اؤزال و أردۇغان ینگ یۇلونداقی دموکراسی گؤره‌شینده ده دۇوام اتدی.

عادالات و اؤسۆش پارتیاسی دؤورۆنده ادیلن دموکراتیزاسیون و سیاسی تاغاللالار بیلن تۆرکیه ده وصایتچی/ آغدارلیشیقچی داپ دِسسورلارینگ گۆیجی اولی مرچبِرده آزالدی. دۇلاندیریشینگ یۇلباشچیلیق حیلینه گچمه گی بیلن تۆرکیه ده آغدارلیشیقچی دأپ دسسورلار بِلکی ده تاریحینگ اینگ گۆیچسۆز دؤورۆنه یتدی.

عبدالحمیدی تاغتیندان چکمه ک اۆچین ادیلن زاتلار، ایلایتا دا اتحادچیلارینگ ادنلرینی میللت دۆشۆنمه‌دی و آیدینگ آداملار، مدیا، بوروکراسی و قشون یالی ایچرکی گۆیچلرینگ داشارقی گۆیچلر بیلن یاقین قاتناشیقلاری نینگ نتیجه سینده میللت و دؤولته قارشی اولی آغیر قینچیلیقلار چکدی و بو میراث گۆنۆمیزه چنلی گلدی. مندرس، اؤزال، أ ربکان و أردۇغان دا بو قینچیلیقدان پایینی آلدی و اۇلارا قارشی آغدارلیشیغا سینانشیقلار عبدالحمید دؤورۆنده بۇلان آغدارلیشیغینگ دۇوامیدیر.

سلطان عبدالحمید ینگ اؤزی، ایچرکی و داشارقی حالقینگ آراسیندا شیطان یالی بۆتین اِربِتلیکلری اؤزۆنده اۆیشۆریأن بیری یالی گؤرکِزیلیأردی و اۇنی اۇرتادان آییرماق هممه زادینگ دۇغرالاجاقدیغی آیدیلیاردی. بو ییگرنچ سؤزلر بیلن بیرینی اربِت گؤرکِزمه‌ک سیاساتی مندرس، اؤزال و أردۇغانا قارشی دا دۇوام اتدی.

پوشمانلیقلار و چِندِن آشاچیلیقلار

عبدالحمید ینگ تاغتدان دۆشۆریلمه گیندن سۇنگرا بۇلان زاتلاری گؤرِن بیرنأچه آیدینگ آدام پوشمان بۇلاندیغینی آیتدی. بولاردان اینگ کؤپ بیلینیأنلریندن بیری شاهیر رضا توفیق "سلطان عبدالحمید حانینگ روحانیتیندن استمداد" قۇشغیسینی یازدی. رضا توفیق ینگ بو پوشمانلیق قۇشغوسی نینگ بیر بؤله‌گینده شیله یازیلیار:

"تاریخلار آدینی یاتلان واغتی

سانگا حاق برجک ای اولی سلطان

بیزدیک اوتانمانی افترا ادن

عاصرینگ اینگ سیاسی پادشاهینا"

اِمما بو پوشمانلیغینگ عبدالحمیده قارشی بۇلان عثمانلی آیدینگ آداملار و بوروکراتلارینگ هممه سینده بۇلدی دییپ بیلمه‌ک قیندیر. کمال تاهیرینگ آیدیشی یالی "بو آیدینگ آداملار و بروکراتلار گۆن باتارلیلاشما اِتابینا عثمانلی دؤولتینی حالاص اتمه‌ک اۆچین گیریپدی. دؤولتینگ چؤکۆشینی گؤرسه‌لر ده یۇللارینا دۇوام اتدیلر، اۇلارا قارشی بۇلانلاری ایزا قالاق دییپ آد بردیلر. بو گؤزیتیمدن قارالاندا بو گۆن باتارلاشماقچی عثمانلی آیدینگ آداملار و بروکرات اؤنگچیلر 1918-نجی ییلداقی چؤکۆشی بیر حیللی قضا و قدر یالی گؤردی، اؤزلرینی حاقلی گؤرمه‌ک اۆچین ده تاغاللا اتدی دییپ بیلریس"

کمال طاهیرینگ عثمانلی آیدینگ و بروکراتلار اۆچین آیدان زاتلاری بیرنأچه جمهوریت دؤورۆندأکی آیدینگ و بروکراتلار اۆچین ده دۇغری دأل می؟ بو آیدینگ آداملار رحمتلی شهیت باش وزیر عدنان مندرس ینگ اعدامی بیلن تاماملانان اِتاپدان، تورگوت اؤزال ینگ مانگا گؤرأ اؤلدۆریلمه‌گیندن سۇنگرا تۆرکیأنینگ یۆزله‌شِن قینچیلیقلاری سبأپلی پوشمان بۇلدولار می؟ شیله ده، أردۇغانا قارشی بِللی باشلی گۆن باتار گۆیچلرینگ پروپاگاندالارینی طوطی یالی تکرار ادن، شوندان باشغا گۆن ترتیبی بۇلمایان شو گۆنکگی گۆندأکی آیدینگ آداملار، آلله قۇراسین تۆرکیأنینگ اؤنگه گیدیشی دوردوریلسا، ادن ایشلریندن اوتانار می؟ یۇغسام ادنلری بیلن یۆزلِشمه‌ک اۆچین ینه ده اؤزلرینی حاقلی چیقارماغا می سینانشار؟

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ مسئله باراداقی قاراییشینی اۇقادینگیز

 



دِگیشلی حابارلار