عمر چلیک: گۆن دۇغار تۆرکیستان‌دا مؤهۆم آداملار دِرِکسیز ییتدی

عادالات و اؤسۆش پارتیاسی نینگ مطبوغات گنگه‌شچیسی عمر چلیک جمال قاشیقچی جنایاتی نینگ دِرنگِوی بارادا سعودی عربیستان ینگ یترلیک درجه ده تۆرکیه بیلن ایشله‌شمأندیگینی آیتدی.

عمر چلیک عادالات و اؤسۆش پارتیاسی نینگ مرکزینده برن بیاناتیندا، ۲۰۱۸-نجی ییلینگ ۲-نجی اکتیابریندا سعودی عربیستان ینگ ایستامبول داقی باش کنسوللیغیندا واغشیچا اؤلدۆریلن سعودی ژورنالیست جمال قاشیقچی بارادا بیانات بردی و عربیستانلیلارینگ تۆرکیأ بو جنایاتینگ درنگوی و بارلاغی باراسیندا یترلیک درجه سینده ماغلومات برمأندیگینی آیتدی.

چلیک، تۆرکیأنینگ بو مسئله ده آچ آچان بۇلاندیغینی یاتلاتدی.

ونزوئلا بارادا دا بیانات برن چلیک،

"بیز ونزوئلانینگ حالقی نینگ یانیندا دوراریس. ونزوئلانینگ اساسی قانونینا و سایلانان ارادأ صارپا حۇرمات قۇییاریس" دیدی.

آمریکانینگ باشلیغی دونالد ترامپ ینگ سوریه ده حۇوپسوز بؤلگه تکلیپینی ده یاتلادان چلیک،

"تۆرکیأنینگ حۇوپسوزلیق باراسیندا قایغیسینی اونوتدیرجاق، ایزا قۇیجاق هیچ حیلی ایلالاشیق بۇلماز" دیدی.

عادالات و اؤسۆش پارتیاسی نینگ مطبوغات گنگه‌شچیسی حیتای یینگ گۆن دۇغار تۆرکیستان سیاساتینا دا اۆنس چکدی.

عمر چلیک، حیتای تاراپیندان ۲۰۱۷-نجی ییلینگ اکتیابریندا "بۆتین دینلرینگ و اینانچلارینگ حیتایلیلاشدیریلماغی" سیاساتی نینگ آلینیپ باریلیاندیغینی آیتدی.

چلیک بو سیاساتینگ آسیمیلاسیونا آچیلان کؤپ تاراپی نینگ باردیغی نینگ دۆرلی واغتلاردا آیدیلاندیغینی بیلدیردی و گۆن دۇغار تۆرکیستان دا مؤهۆم شخصیتلر، صونغاتچی و کؤپ سانلی آیدینگ آدامینگ ییتندیگی آیتدی.

ییتنلرینگ ماشغالالارینا حابار بریلمأندیگینی نیغتان عمر چلیک،

"بو مسئله لر حؤکمأنی یاغدایدا آچ آچان بۇلمالیدیر. بو مسئله ده آچ آچانلیق سیاساتی ایزارلانسا واقالارینگ نأحیللی بۇلاندیغی بارادا اۇیلانیپ بۇلار. بیز حیتای یینگ تۇپراق بیتولیگینه و حۇوپسوزلیغینا حۇرمات قۇیان بیر یورتدیرس. بیز بیله پیکیر اتسه‌ک ده اویغور تۆرکلری نینگ سبأپسیز توسساغ ادیلمه لری، بیر میلیوندان قۇوراق اویغور تۆرکی نینگ ییغناما کمپلرینده و زندانلاردا بۇلماغی نینگ مشروع بۇلماندیغینی دا آیدیاریس" دیدی.