تۆرکیه دۆنیأده اینگ کؤپ انسانی کؤمِک برن اۆلکه

تۆرکیه بۆتین دۆنیأ یورتلاری نینگ آراسیندا اینگ کؤپ انسانی کؤمِک برن بیرینجی اۆلکه.

انگلستان دا هر ییل انسانی کؤمِکلر باراسیندا بارلاغ گچیریأن بیر شرکت تۆرکیأنینگ اؤتن ییل ۸.۰۷ میلیارد دلارلیق کؤمِک بیلن دۆنیأنینگ اینگ کؤپ انسانی کؤمِک برن یوردی بۇلاندیغینی بیلدیردی.

آمریکا ۶.۶۸ میلیارد دلار بیلن ایکینجی یرده دوریار.

آلمانیا اؤتن ییل ۲.۹۹ میلیارد دلار انسانی کؤمِک بردی.

انگلستان ۲.۵۲ میلیارد دلار بیلن دؤردۆنجی یرده.

اوروپا بیله له شیگی نینگ قورامالاری دا ۲.۲۴ میلیارد دلار بیلن ۵-نجی یرده دوردی.

تۆرکیأنینگ کؤمِکلری میللی گیردجیسی نینگ ۰.۸۵ گؤتریمی و شول باباتدان دا بیرینجی یری ایه له یأر.

تۆرکیأنینگ بو باباتدا ایزارلایان اینگ یاقین یورتلار نروژ و لوکزامبورگ میللی گیردجیسی نینگ ۰.۱۷ گؤتریمینی انسانی کؤمِکلر اۆچین حارجادی.

آمریکا میللی گیردجیسی نینگ ۰.۰۴ گؤتریمی بیلن ۱۹-نجی یرده دوریار.

تۆرکیه ۲۰۱۳، ۲۰۱۴ و ۲۰۱۵-نجی ییللاردا دۆنیأده انسانی کؤمِک تایدان ۳-نجی یرده دوریاردی. سۇنگقی ایکی ییلدا دا تۆرکیه ایکینجی اۇرونی ایه لأپدی. ایندی بۇلسا تۆرکیه انسانی کؤمِکلر تایدان دۆنیأنینگ بیرینجی یوردی.

تۆرکیه نأچه ییلدان بأری میلیونلارچا سوریه لی و عیراقلی بۇسغونا قوجاغینی آچیپدی.