قالین: ایرکی سایلاوینگ ایقدیصادیه‌ت بیلن باغلانشیغی یۇق
تۆرکیأنینگ جمهورباشلیغی نینگ مطبوغات گنگه‌شچیسی بیانات بردی
تۆرکیأنینگ جمهورباشلیغی نینگ مطبوغات گنگه‌شچیسی ابراهیم قالین، داشاری یورت مطبوغاتیندا اؤنگه سۆرۆلیأن "ایرکی سایلاو ایقدیصادی سبأپلر اۆچین گچیریلیأر" سؤزۆنینگ حاقیقاتدان اوزاق بۇلاندیغینی آیتدی و ایرکی سایلاو باراسینداقی قارارینگ محالیف تۇپارلار بیلن بیله لیکده آلیناندیغینی آیتدی.
ابراهیم قالین تۆرکیأنینگ رادیو و تلویزیون قوراماسی نینگ انگلیس دیلیندأکی کانالی ت. ر. ت ورلد دا بیانات بردی.
بیرنأچه تاراپینگ ایقدیصادیه ت بیلن باغلانشیقلی یالنگیش پیکیر یرله‌شدیرمأگه سینانشیاندیغینا اۆنس چکن قالین، تۆرکیأنینگ اؤسۆش موقدارینا اۆنس چکدی.
قالین،
"سانلار بِللی، اؤتن ییل تۆرکیه ۷.۴ گؤتریم اؤسۆش اتدی. شو ییلینگ ایلکینجی ۳ آییندا دا ماقصادیمیزا یتدیک. بو دا تۆرکیأنینگ ایقدیصادیه تی نینگ دۇغری یۇلدا بۇلاندیغی نینگ گؤرکِزیجیسی. یوردونگ ایقدیصادیه تی واغتال واغتال داشاری یورتلاردان چشمه له نیأن زاتلاردان تأثیر آلیار. اِمما تۆۇرکیه گۆیچلی ایقدیصادیه ته ایه بۇلانسانگ بو تأثیر اؤرأن کیچی بۇلدی" دیدی.
ایرکی سایلاو باراسینداقی قارارینگ محالیف تۇپارلار بیلن بیله لیکده آلیناندیغینا اۆنس چکن قالین،
"یادینگیزدا بۇلسا ایرکی سایلاو باراسینداقی ایسله گ بیزدن دأل، محالیف پارتیا تاراپیندان گلدی. بیله کی محالیف پارتی ادا بو قارارا قۇلداو بردی و شیله لیک بیلن ایرکی سایلاو بارادا قارار آلدیق. ایسله مه یأن بۇلسالار مونگا قارشی بۇلاردیلار و ۲۰۱۹-نجی ییلینگ نۇیابر آییندا سایلاو ایسله یأریس دیه‌ردیلر" دیدی.
دِگیشلی حابارلار
یونان ینگ باش وزیری آنکارادا
اؤزآرا قاتناشیقلار بیلن بیله لیکده بؤلگه آرا و گلوبال یاغدایلار حاقیندا دا گنگه شیلر
