تۆرکیأنینگ سۆرۆجیسیز قوری یر اولاغی اوکاپ اولانماغا طایار

تۆرک قورانیش صناغاتیندا ایش آلیپ باریان شرکتلر قۇرانیش صناغاتی قوراماسی نینگ اوتغاشدیرماغیندا حۇوپسوزلیق گۆیچلری نینگ اولانماغی اۆچین تأزه اولاغلار هؤدۆرلأرلر.

کاتمرجیلار فیرماسی نینگ اؤندۆرن و حاربی الکترونیک صناغاتی آسلسان ینگ یاراغ اولغامی بیلن اۆپجۆن ادیلن اوکاپ اۆستۆنلیکلی گچن حرکتلی آتیش سیناغلاریندان سۇنگ اولانماغا طایار.

اوکاپ (UKAP) أهلی قینچیلیقلی سیناغلاردان اۆستۆنلیک بیلن گچدی. أهلی طایارلیقلارینگ تاماملانماغیندان سۇنگ قوری یر اولاغلاری نینگ ایلکینجیسی اپراتیف ایشلره قاتناشجاق کأمیللیگه یتیریلدی.

اولاغ رادیو گؤزه‌گچیلیک اولغامی بیلن چاقنیشیق یرلرینده ده اولانیلیپ بیلینر.

ایه بۇلان اؤزبۇلوشلیقلاری بیلن پلیس مرکزلرینده، شأهِرلرینگ ایچیندأکی یادا داشینداقی حرکتلرده ایشگأرلرینگ حۇوپسوزلیغینی اۆپجۆن اتمأگه قۇشانت قۇشار.

اوکاپ حۇوپسوزلیق گۆیچلری نینگ سۆرۆجیسیز قوری یر اولغامینا بۇلان ایسله‌گلرینگ قاناغاتلاندیرماغیندا ایلکینجیلرینگ ساناویندا اۇرون ایه له یأر.

کاتمرجیلر اوکاپ ینگ حالقارا بازارلاریندا تانیشدیریلماغی و حیذماتداشلیق اۆچین هم تاغاللا ادیأر.

فرانسیانینگ پاریس شأهِرینده ایون (ژوئن) آیی نینگ ۱۱-۱۵-ی آرالیغیندا گچیریلجک حالقارا قۇرانیش و حۇوپسوزلیق سرگیسینه قاتناشجاق شرکت دۆنیأنینگ اؤنگده باریجی قۇرانیش صناغاتی سرگیلریندن بیرینده اوکاپ – ی مدلینی تانادار.