أردۇغان: تۆرکیه همیشه فلسطینینگ یانیندادیر
تۆرکیأنینگ جمهورباشلیغی اسرائیل ینگ قیرغینچیلیغینی برک یازغاردی
تۆرکیأنینگ جمهورباشلیغی رجب طیب أردۇغان اسرائیل ینگ غزه دأکی ترورچیلیغی بیلن باغلانشیقلی،
"فلسطین ده آدامزادا ادیلن اولی بیر گۆنأ و یازیغی گؤریأریس" دیدی.
أردۇغان اۇرازا آیی نینگ ایلکینجی آغزآچارینی جمهورباشلیق کمپلکسینده شهیتلرینگ ماشغالالاری بیلن بیله لیکده گچیردی.
فلسطین ده یکه تأک گۆنأسی نینگ مۆنگلرچه ییلدان بأری اؤز دۇغدوق دیارلارینداقی حاقلارینی ایسله مه ک و اؤز یورتلارینی قۇراماق اۆچین تاغاللا ادیأن حالق اولی بیر آدامزات گۆنأسینا سزه ور بۇلاندیغینی آیدان أردۇغان دوشنبه گۆنی، آمریکانینگ ایلچیحاناسینی تل آویو دن قدس شأهِرینه گؤچۆرمه گی واقاسیندا ۶۳ آدامینگ شهیت بۇلاندیغینی و ۳ مۆنگدن قۇوراق آدامینگ یارالاناندیغینی بیلدیردی.
اسرائیل ینگ حاق، حقوق، عادالات و آدامکأرچیلیک بیلن باغلانشیغی بۇلمادیق هۆجۆملری سبأپلی یاریم عاصیردان قۇوراق واغت آسودالیق گؤرمه یأن فلسطینلیلرینگ ینه بیرگ زه ک ظلما سزه ور بۇلاندیغینا اۆنس چکن أردۇغان سؤزلرینه شیله دۇوام اتدی:
"آمریکانینگ ایلچیحاناسینی بیرلشن میللتلر و حالقارا جمغیتچیلیگینگ قارالارینی أسگِرمأنی قدس شأهِرینه گؤچۆرمه گی اسرائیل دۇلانشیغینی آزدیردی. اسرائیل عسگرلری، اؤز دۇغدوق دیارینی قۇراماقدان باشغا هیچ بیر ماقصاد بۇلمان، یاراغسیز، آشاگۆیچسۆز گۆنأسیز فلسطینلیلری چاغا، ماییپ، قارری و زنانا دا بۇلسا اؤلدۆریأر. دۆنیأنینگ باشغا یرینده شیله زات بۇلسا بۆتین حالقارا جمغیتچیلیکلر، بۆتین دؤولتلر بو هۆجۆمینگ اؤنگۆنده دوراردی. امما قینانساغام بو هۆجۆملر اسرائیل تاراپیندان فلسطینلیلره ادیلنده اولی بیر أسگرمِزچیلیک بۇلیار. تۆرکیأنینگ تاغاللالاری، اسلام عألمی نینگ مظلوم حالقلاری نینگ یۆرهک یاقان پریادی و بیرنأچه وجدانلی گۆن باتارلی نینگ اعتراضلاریندان باشغا بو تراژدیه دیمیلدی و هممه لر دینگه واقانی گؤزلأپ دوردی" دیدی.
أردۇغان تۆرکیأنینگ بۇلسا فلسطینلیلرینگ یانیندا بۇلاندیغینی و بۆتین دۆنیأ اسرائیل ینگ ادنلرینه گؤزۆنی یومسا دا تۆرکیأنینگ قارشی بۇلجاقدیغینی آیتدی.
دِگیشلی حابارلار
تۆرکیه بیلن فلسطین ینگ آراسیندا ایکی ایلالاشیق قابول ادیلدی
تۆرکیأنینگ بیک میللت مجلیسینده تۆرکیه بیلن فلسطین ینگ آراسیندا قوُل چکیلن ایلالاشیقلار قابول ادیلدی
تۆرکیه ترورچیلیق بیلن گؤرهشه دوُوام ادیأر
11 ولایاتدا ترورچیلار تاراپیندان قوللانیلیان 92 قوُواق و هین یوُق ادیلدی